揀軟糖除咗要睇味道，口感同賣相往往都係評分標準，質感太軟就口感欠奉，咬幾口就溶掉了的話倒不如直接吞掉更好，既不太軟又不太硬，煙韌有嚼勁才是軟糖的王道。假如閣下每天均需要長時間工作，坐成日唔搵啲零食提吓神好容易被睡魔急call，零食黑洞今次搵嚟兩款唔同質感嘅人氣Q 彈軟糖，睇吓邊款可以邊食邊提升工作能量值！
軟糖界最大勢「力 」
日本零食品牌 Kanro 推出的 Candemina 系列，最出名莫過於「最大勢力」立體造型軟糖，「力」字外型十分討好，外層帶有微酸糖粉，與一般軟糖分別在於：並唔係大家想像中咁 Q 彈，反而係有嚼勁的彈牙口感，慢慢𡁻一粒都可以𡁻成兩、三分鐘先變軟，細細粒算幾抵食！力字軟糖包括紫色的葡萄汽水味與黃色的能量飲料味，能量飲料味咬落與菠蘿味無異，仲有二合一混合味道，一個「力」字有齊紫 x 黃兩種強烈對比色，視覺同味覺都滿足晒﹗仲會愈咬愈上癮，𡁻完仲有啲提神！另一款同屬 Candemina 系列的 スーパーベスト（Suoer wave） 軟糖，同樣帶微酸糖粉，一包糖有波子汽水、可樂和橙味梳打三種口味，波浪外型令咀嚼時充滿彈力食感，建議可先將軟糖含在口中三十秒後才細細咀嚼味道，其實食糖都可以增添生活樂趣，有咗佢返工仲點會悶？
Price︰各 $17│ Shop：各大7-11便利店有售
令人神不守舍嘅軟糖
UHA 味覺糖旗下的手撕軟糖系列於日本推出時曾造成哄動，皆因品牌特地為手撕軟糖拍了多輯廣告，以女主角受到手撕軟糖的吸引而弄得神不守舍為故事主軸，總是想著吃「長～長的軟糖」而在日常生活中產生不少誤會，更差點被男主角誤以為出軌，原來一切都是因為手撕軟糖的吸引力，讓人哭笑不得！
手撕軟糖每包內有七片，每小包也有獨立包裝和多種食法的清晰圖示：可捲起、摺疊多片、撕成幾塊、甚至撕成一條條（一片最多可撕成三十條）等食法，拿上手比想像中更軟綿綿，可是因為太柔軟，要撕得漂亮倒是有點困難﹗這次購入了三種味道：蜜瓜味加入了濃厚的果汁，一打開包裝便嗅到濃烈的蜜瓜味，太香反而適得其反，味道有點假；新推出的桃味使用國產白桃汁，清新果香撲鼻，是三種口味之中最易令人接受，應該會大受女性歡迎；至於提子味則加入100億個乳酸菌，濃濃的提子味惹味醒神。老實說，手撕軟糖勝在新奇過癮，且具微彈的橡膠口感，而且賣相也像玩具泥膠，所以有種像是在吃海綿，拿上手似係拎嚟玩多過食。
Price︰各 $12.5 │ Shop：各大7-11便利店有售