杯麵變零食嘅熱潮，喺好耐好耐之前由出前一丁開始，其實味道往往是名過於實，零食只有味粉的味道，令我對杯麵系列零食有種「唔慌好食」的戒心。
日清食品公司旗下累積最高銷售量嘅日本泡麵，就是今年踏入60周年的元組雞汁麵。它的包裝很易認，橙和白色條子加上一隻黃色小雞，是非常經典的設計。呢隻小黃雞喺日本都幾出名，除咗搵嚟新垣結衣BB拍廣告之外，仲出咗好多周邊產品及復刻版包裝，保持經典形象得嚟亦keep住曝光率。元祖雞麵本身有多種食法，煮法簡單，重點是沒有任何調味包？！對於食開即食麵的人來說，沒有調味包就等於世界末日！可是元祖雞麵的精華就在於雞湯味滲透入每一條麵條內，就好似同系列嘅零食一樣，無論是迷你炸薯條還是脆米餅，也帶著濃濃的雞湯味！始終雞湯味是最廣為大家所接受的味道，所以這款元祖雞系列零食一定唔會差得去邊。
湖池屋的包裝小薯條一向是零食黑洞嘅至愛，尤其是「阿婆辣薯條」簡直惹味到食唔停口，同元祖雞湯麵聯乘嘅紫菜鹽味版本，食落有濃郁雞湯味，紫菜味就無乜，反而輕鹽味幾突出，就算食曬成包都唔會覺得口乾！
這包由ばんち與元祖雞聯乘的脆米餅，一塊約 6cm 大，就像旺旺小小酥的放大版，味精不算重，食落有淡淡的雞湯味包圍口腔，十分香口。不過略嫌份量較少，照片上這小堆已佔大半包份量，食到最尾就略嫌有啲唔夠喉喇！
湖池屋元祖雞湯紫菜鹽味薯條
Price： $8.5│Shop：各大759阿信屋有售
ばんち元祖雞湯麵脆米餅
Price： $8.9│Shop：各大759阿信屋有售