迪士尼樂園呢個童話世界總係令人覺得好唔真實，隨性嘅好𢯊女子同夢幻嘅迪士尼係唔係大纜都扯唔埋？非也。好𢯊女子雖然不拘小節，但係對生活質素有要求，去世界級水準嘅迪士尼樂園玩都算係減壓或享受的一種，何樂而不為？
曾幾何時，好多人覺得只有自以為係王子公主嘅新人先會喺迪士尼酒店舉行婚宴，又以為喺五星級嘅迪士尼酒店擺酒搞婚禮需花費鉅款、動輒數十萬堆埋單……上述諗法實在太離地，不如回歸現實，迪士尼酒店咪就係一間五星級酒店，唔同嘅係優質餐飲服務以外，仲加入可愛嘅迪士尼卡通人物助慶，重點係迪士尼婚禮證婚套餐由＄78,000起（供50位用），絕對唔係傳聞中嘅天價。再者，筆者最近試過迪士尼酒店的婚宴菜式，發現原來好睇都可以好好食，好多嘢唔係想像中咁遙不可及！
米奇米妮曲奇餅
不甘平凡嘅Candy Corner
近年好多新人都喜歡在婚宴場地增設Candy Corner，令甜蜜感覺倍增。如果喺迪士尼酒店舉行婚禮，酒店將會提供以迪士尼卡通人物為主題嘅特色小食及甜點，打造係人見到都想打卡嘅Disney’s Sweet Station，令參與婚宴嘅每一位唔止食得開心、亦影得開心﹗
藍莓杯子蛋糕
迪士尼朋友朱古力棒棒糖
層次豐富嘅小食
除了一系列賣相精緻討好的甜點，迪士尼酒店還會為賓客提供雞尾酒小點，每款冷盤都幾有驚喜，例如賣相清新討好的木瓜豆蓉釀窩夫脆筒（左），內裡豆蓉濃郁可口，與脆筒夾埋食口感豐富。至於巴馬火腿新薯卷伴松露酸忌廉（右上）則是味道上充滿層次感。而蒸帶子菜絲沙律卷伴吞拿魚醬（右下）都係好睇又好食的精彩小食，睇見都覺開胃！
突破傳統嘅中菜
上述西式小食及甜點以外，迪士尼樂園酒店亦提供多款中式菜式，當中包括傳統中菜，以及加入破格元素的菜式，如這款乳豬併三隻小豬包，為婚宴常見的乳豬加入吸睛新元素，展現將傳統與迪士尼幽默元素混合的可能性！
去傳統飲宴，通常食到第五﹑六道菜已經開始膩，迪士尼酒店大廚特別加入水果烹調主菜，而且每碟份量精緻小巧，以減低容易吃膩的感覺。柚子香草焗蟹蓋 （右）口味清新，與鮮味的蟹肉好夾，一啲都唔膩！米奇的蹤影更會神秘出現於部分菜式之中，如松茸龍蝦球伴帶子石榴（左上）的紅蘿蔔片隱約可見米奇的線條，仲有爵士花膠元貝燉海螺湯（左下）的米奇頭白蘿蔔，呢啲細節位絕對值得一讚！