當耳機界名牌beats by dr. dre遇上當紅日牌sacai，合製好似珠鏈咁奪目嘅別注耳機，即時成為fashionista們熱搶嘅時尚配飾﹗到底有咩咁吸引？筆者諗到十個理由，你可以唔同意，但大熱事實一定要知﹗
1
Pop-up store 人氣效應
乘着近年聲勢，sacai設計師阿部千登勢宣布與前Colette創辦人Sarah Andelman合作，陸續在美國、歐洲和亞洲各大城市開設pop-up store。剛結束的首站是在巴黎開展的「Bonjour sacai」游擊店，最吸引莫過於一系列限定聯乘單品，合作對象包括Fragment Design 、NIKE、A.P.C.、Astier de Villatte 及Hervé Chapelier等等，當中包括今日介紹嘅beats by dr. dre，聽聞在巴黎一出即斷市﹗
2
Fashion show造勢
事實上，sacai x beats別注耳機早於1月中在巴黎時裝週 、sacai 2019 pre－fall時裝展上初登場已極度引人注目。模特兒門以不同顏色的sacai x beats別注耳機配襯不同顏色及款式的初秋服裝，展示其fashionable到爆的外表足以當頸鏈咁載，可配襯任何服飾。
3
三色選擇男女皆宜
備有「Burned Red」、「Deep White」及「True Black」三種顏色供選擇，重點係三款都咁unisex，唔止可以襯sacai男女裝，襯埋阿部千登勢老公阿部潤一設計嘅kolor男裝都掂﹗高調一族必揀大熱白x彩珠，低調的你又可以揀黑x藍色。
4
當珠仔頸鏈載都得
入耳式耳機配以 sacai 標誌性的珠仔設計，每盒均備有76粒小珠任你mix ＆ match，用家可自選顏色組合，當作襯衫配飾。無論作入耳式聆聽或是隨意掛在頸上都好睇，當無需要配戴時，磁石耳塞能讓耳機線不易纏繞，方便隨身攜帶。
5
耳機界名牌保證
beats by dr. dre向來係耳機界嘅名牌，別注耳機配備長達 8 小時電池使用時間，而 Fast Fuel 快充技術令用家只需充電 5 分鐘即可播放音樂 2 小時。再者，透過 RemoteTalk可利用內置咪高風接聽來電、播放音樂、調整音量和啟用 Siri，有樣有內涵﹗
6
Hit得滯唔買都要知
筆者向來唔太相信明星潮人效應，即係我唔會因為潮人徐濠縈都載sacai x beats別注耳機就叫你買，但係當一件事喺社交平台被討論得熱血沸騰，證明真係好hit，就算唔買要知。
7
價錢公道性價比高
相比起sacai嘅服飾又或是beats嘅產品， 定價 $1,188確係稱得上合理、甚至抵買。重點係earphone呢樣嘢非常實用，既然可以當頸鏈載，但又比起頸鏈多功能，性價比高﹗
8
多用途配件夠細心
隨盒附送用來粉飾耳機的76粒小珠之外，還備有多款不同尺寸大小的耳塞供選擇，讓用家享受個人化的舒適感。另有用來收納耳機的黑色小盒，印上sacai logo即時fashion味大增，當coins case用都得﹗
9
唔想行上網買都得
一款三色sacai x beats別注耳機，現已在各大LANE CRAWFORD 或JOYCE (HK) 有售。唔想行街，登入apple.com 享受online shopping樂又得﹗
10
當玩具玩鍛練耐性
sacai x beats別注耳機以珠鏈為設計概念，但係打開原裝盒係珠還珠、鏈還鏈嘅，即係如果想當珠鏈咁載就要靠自己慢慢串上珠仔，樂觀啲諗都幾好玩，仲可以鍛鍊耐性添。
現已在apple.com , 各大 LANE CRAWFORD 及 JOYCE (HK) 有售