香港地地方細細，有時想為週末好好安排節目都幾難。除咗行街睇戲食飯，仲有咩可以做？一街都係一式一樣嘅商場，食、買、玩去處往往由大集團包辦，諗起都覺得灰。不過咁，身在香港嘅我哋勝在仲有得揀。就算去到人頭湧湧嘅尖沙咀，都仲有一個可以俾大家靜靜哋抖吓嘅「老地方」。
相信好多人同筆者一樣，自從細個跟學校參觀過太空館，長大後都無幾可再重遊舊地。所以好多人以為太空館只播放兒童適宜的教育影片，其實現時上映的節目包括來自世界各地有關科學天文題材的影片及動畫，勁多元化。例如上映期至本月底嘅《奇妙流星夜》，就係由日本製作公司TAIYO KIKAKU co.,ltd. 製作的定格動畫，唔止製作水準高，故事亦好治癒，係大人細路都啱睇嘅動畫。雖然論製作規模及娛樂性好難媲美賣座電影，但只需二、三十蚊就可以體驗IMAX電影般的享受，為一整日享樂行程中加插一場知識之旅，買杯珍珠奶茶都唔止啦，why not？
追星小故事？ 其實都係追夢的故事
《奇妙流星夜》是由日本製作公司TAIYO KIKAKU co.,ltd. （太陽企画株式会社）製作的定格動畫，TAIYO KIKAKU co.,ltd. 經常與資生堂、NETFLIX、朝日放送及東日本企画等大型公司合作，而《奇妙流星夜》曾獲日本映像文化製作者連盟頒發「優秀技術獎」，更曾獲美國LA. Eiga Fest 頒發的觀眾獎。從製作過程的影片中可看到，小至積雪上的腳印，大至熱氣球場景都一絲不苟。
故事主要講述1833年某夜凌晨，北美洲上空出現了極大量的流星，令當時的人大為震驚。一個對流星著迷的小男孩，為了親眼目睹流星雨，即使於白雪紛飛的天氣和旁人反對下，仍堅決與雪人朋友諾曼離開小鎮，向著雲層較稀薄的方向進發。在漫長而艱巨的路途中，小男孩也曾質疑自己的決定，到底他會選擇中途放棄或堅持到底？留待你慢慢欣賞。無論結局係點，我哋都可能會從小男孩身上看見自己的影子，慶幸的是身邊有雪人朋友作伴，無論是否能達成目標，沿路漂亮又廣闊的風景已成不可磨滅的回憶。去年年底開始在香港太空館上映的《奇妙流星夜》是今年香港科學節的 重點天象節目，上映期至2019年4月28日，有興趣者記住唔好錯過﹗
天象節目《奇妙流星夜》
地點︰香港太空館何鴻燊天象廳
日期：即日至 2019 年 4 月 29 日
片長：32 分鐘
費用︰標準票：32 元（後座）；24 元（前座）
優惠票：16 元（後座）；12 元（前座）
網上購票 : http://www.urbtix.hk
同場推介1
《地球故事3D》透過180°天幕考察地球
除咗天象節目，太空館亦會上映立體全天域電影，如今年開始播放的《地球故事3D》就是以科學模型建構的電腦模擬影像，故事講述一隊地質學家到世界各地考察，他們登上山區高地，在溫泉的河床搜集岩石和細菌樣本，藉此追尋地球誕生的故事。雖然係模擬影像，但當冰島火山的畫面於大天幕展示時，所帶來嘅視覺衝擊令你猶如置身其中，都幾震撼！如果覺得俾一、二百蚊去戲院睇啲幾乎只有字幕帶3D效果的「3D電影」唔抵，不如嚟太空館感受真3D的樂趣，同時袋走科學知識。
立體全天域電影《地球故事3D》
地點︰香港太空館何鴻燊天象廳
日期：即日至 2019 年 6月 30 日
片長：40 分鐘
費用︰標準票：32 元（後座）；24 元（前座）
優惠票：16 元（後座）；12 元（前座）
網上購票 : http://www.urbtix.hk
同場推介2
《繽紛藍海》真實版海底奇兵
剛於三月上映的最新節目，是BBC參與製作的海洋紀錄片《繽紛藍海》。雖然地球超過七成以上的面積為海洋所覆蓋，但人對海底的認識，反而及不上對月球和火星般了解。透過嶄新的海洋科技，使海豚、豬齒魚和八爪魚等海洋生物統統以高清姿態呈現在觀眾面前，雖然唔似卡通電影海底奇兵的「多莉」般識講嘢，但牠們的生活習性喺鏡頭下表露無遺，同樣好睇！
全天域電影《繽紛藍海》
地點︰香港太空館何鴻燊天象廳
日期：即日起至 2019 年 8 月 31 日
片長：40 分鐘
費用︰標準票：32 元（後座）；24 元（前座）
優惠票：16 元（後座）；12 元（前座）
網上購票 : http://www.urbtix.hk