簡單一枝唇膏，可以有上千種色調。雖然顏色係有咁多隻，不過撫心自問，啱自己skin tone來來去去都係嗰幾隻。與其漫不經意地跟風搽唔適合自己的色調，倒不如play safe慳返啲錢好過！向來行事低調嘅RMK，少有賣弄多餘花臣或跟主流搞噱頭，慶幸出品質素keep住高質，難怪仍然備受追棒。
今次新推的春夏季口紅系列就係一個極佳例子，貫徹品牌忠於的簡約風格，外表只係一條普通的銀色長條，夠膽死乜設都無，只刻上RMK三粒字母。喺呢個唇膏都要靠衣裝嘅年代，確實係藝高人膽大！是次全新唇膏系列備有兩種質地，分別係啞光同亮光。前者近幾年大熱，差不多每個女生都手握一枝，但缺點一字記之曰：乾！呢枝啞光密貼唇膏做到絲絨感卻毫不顯唇紋，值得一讚！而光感美型唇膏上咀後光澤感重但又不誇張，當中雖然有個別比較難駕馭的色號，不過總括而言，絕大部分色調都相當適合亞洲人膚色，總有一枝適合你！
RMK LIPSTICK COMFORT MATTE FIT 各 $320 / 4.2g （左）
備有7種絲漾柔和色調，糅合彈性啫喱配方，柔滑貼服雙唇，輕盈舒適，彷似無物
RMK LIPSTICK COMFORT BRIGHT RICH 各 $320 / 2.7g（右）
備有10種時尚色調，球狀粉末均勻排列形成色澤膜層，為雙唇增添色彩。
RMK_尖沙咀彌敦道20號SOGO百貨B1/F 3911 1027