藝術嘅嘢識條鐵咩！
唔洗識㗎﹗玩都得㗎﹗
今時今日，藝術品唔再只可遠觀而不可褻玩，藝術可以完美融入我哋嘅日常生活，小至隨手拎起的糖果包裝設計，可能係出自插畫家手筆，大至現代生活中嘅智能科技，甚至係今回介紹嘅Samsung Galaxy Studio，都可以好入屋﹗
新登場嘅SAMSUNG galaxy studio期間限定店，特別打造大玩digital art嘅「光影數位互動藝術館」，猶如近年話題性及曝光率極高嘅teamLab。同場仲有本地插畫家b.wing特別創作嘅打卡位及英國插畫師Hattie Stewart設計嘅限量紀念品等等。今日搵嚟好𢯊女子蔣雅詩及創作歌手黎曉陽試玩盡digital art，一齊試吓用手機玩盡藝術！
鬧市中的迷你teamLab・用心用眼玩藝術
場內主打兩間光影互動藝術房間，分別是「心」動空間 (Field of Heart) 和萬花「瞳」(Ocular Odyssey)。參加者進入黑房前要先將手指放在Galaxy S10手機上量度心跳或自拍眼睛圖像，隨後放在房內的感應架上，整個房間便會成為專為參加者而創的藝術品。嚟到Field of Heart黑房，燈光會隨著參加者的心跳頻率而產生變化，無論燈光顏色或閃爍速度都是因人而異，自己digital art自己玩，打造獨一無二的個人化藝術世界！擅長影靚相又古靈精怪嘅蔣雅詩自然玩得投入，連斯斯文文嘅創作歌手黎曉陽都忍唔住狂打卡，用手機玩藝術！
會閃嘅燈唔夠特別？自己啤住自己又夠唔夠特別？
去到Ocular Odyssey黑房，只要用SAMSUNG S10手機內置嘅Buddy APP影低自己隻靚眼，眼仔影像就會化成如萬花筒嘅有趣影像，即係房間投射出來的光影全部都係你隻眼，將自己隻眼變成藝術裝置，值得一試吧？試幻想你嘅眼睛經萬花筒效果後，放到大一大而且好似monogram咁，都咪話唔驚……喜！想影靚相嘅話，就記得化定個靚靚眼妝先去啦！
一見到呢個插畫公仔，腦海即時響起︰「唔該熄咗你個電話啦，我哋依家係嚟睇戲㗎……」依首「戲院之歌」可謂深入民心﹗無錯，係A仔啊﹗場内設有由本地著名插畫師b.wing親自創作嘅A仔巨型壁畫佈景，任你點影都咁cute﹗
除咗視覺享受外，場內更有可供大家自製手機殼嘅DIY創作區，想自製獨一無二SAMSUNG Galaxy S10手機殼無難度﹗近年流行品牌如CHANEL、new balance等舉行產品發佈會或期間限定店都設有置夾公仔機，證明夾公仔機絕對有吸引人流嘅魔力！當參加者玩勻整個體驗館後，可用手機內儲齊的數碼印章換coin玩夾蛋機，體積細細的小球內裝載了由英國插畫師Hattie Stewart與SAMSUNG合力創作的聯乘單品，包括環保袋及限定貼紙、手機支架等，係夾得起的藝術！
Samsung Galaxy Studio
地點：銅鑼灣謝斐道535號Tower 535地下 G05 & G06 號舖
日期︰即日起至2019年至5月12日
時間︰11am – 9pm
費用︰全免