繼Part 1口罩都唔可以hea、Part 2快靚正醒神造型，來到病都要靚 Part 3，提提大家如果真係有心堅持病都要靚，就要記住從細節位遮病樣。無錯，病嗰陣多行一步都唔情願，何況化妝set頭? 所以筆者並非鼓吹大家花成個鐘化全妝set行頭先出街，只想提醒大家注意以下幾點，可能只係多花十分鐘執執個樣，已經可以隱惡揚善、防止頹樣盡現﹗
戴口罩﹗遮瑕加眼妝添神采﹗
輕度遮瑕
反正戴口罩都睇唔到，不如省卻上粉底的步驟，只以遮瑕膏在面上有瑕疵的地方輕輕cover，特別是遮蓋黑眼圈或眼袋，然後上少少碎粉已可做到基本修飾功效。
眼妝做主
配戴口罩後基本上已遮蓋了大半塊臉，眼和眉妝便成為焦點所在，除了應畫上自然幼細的眼線以呈現眼部輪廓，亦可以自然色系的眼影打造深邃分明的眼妝，為雙眼增添新采﹗
防水妝物
有些人在生病時眼水分泌會變多，有些人則會因眼晴異常地乾而需常滴眼藥水，兩種情況均會導致眼妝容易掉落，所以建議使用防水眼妝產品。
擦潤唇膏
即使你自以為戴上口罩便沒有人見到你的嘴唇，但其實成日流流長還是會有除口罩的機會，為免除口罩的瞬間，乾燥的嘴唇外露嚇親人，還是預先塗上潤唇膏滋潤雙唇吧！
唔戴口罩﹗胭脂唇妝好氣息﹗
自然底妝
除非拍緊電視劇，或者係需要靠濃妝病樣刷存在感嘅網紅，否則病咗就唔好搞咁多嘢，只需以遮瑕膏在面上有瑕疵的地方輕輕修飾，或是用氣墊粉底輕印全面，特別是遮蓋黑眼圈或眼袋。
鮮色唇彩
蒼白的唇色容易令人一睇就知你病重，不妨搽上鮮豔唇色令妝容更顯紅粉緋緋。溫馨提示，唔係每個人都駕馭到鮮紅色，如果自問無信心，可選擇桃紅、橙紅色等，同樣顯得精神奕奕。
醒神胭脂
當臉頰掃上自然粉紅或橙紅色胭脂時，便能打造健康自然的妝感，暫時遮掩患病時的倦容及暗啞膚色，整體看起來更顯神采飛揚。
補濕面霜
生病時所引致的發燒、嘔吐及腹瀉等狀況也會令水分大量流失，肌膚也會因缺水而產生泛黃、暗啞等問題。除了要多喝水補充水分，也應塗上補濕面霜為肌膚滋潤補濕。
四式救髮﹗
帽︰
帽從來都係懶人救星，病嗰陣唔想花時間梳頭吹頭的話，一笠即掂﹗(左上）
巾︰
當戴帽都遮唔住失控的髮尾，呢個時候需要—條薄頸巾，既保暖又可以藏住混亂嘅髮尾！(右上）
辮︰
病嗰陣總係披頭散髮，一來唔方便二來顯得無精神，不如紥起頭髮，即變清爽有活力。(左下）
夾︰
唔想吹頭但又怕前蔭髮碎等「摟摟丘丘」，可透過髮夾固定髮型，同時為造型帶來亮點。(右下）
延伸閱讀︰
病都要靚 Part 1︰口罩都唔可以hea
病都要靚 Part 2︰ 快靚正醒神造型