世上總係有啲人中龍鳳，未必十項全能，但極度擅長於某一個領域，CHANEL全球彩妝創作及色彩設計師 Lucia Pica正正係其中一例。上任前一直以用色大膽聞名四海嘅佢，同時亦擅長於打造自然裸色嘅無暇妝容。上任後即令品牌變到瓣瓣都掂。
專為健康祼肌打造嘅LES BEIGES自然亮肌系列迄今推出幾季，外間反應總是叫好又叫座。早前LES BEIGES推出四款新品，當中討論度最高嘅非自然亮肌蜜粉餅莫屬，除咗比上一代質感更輕盈外，最吸睛絕對係盒面印有 “Chanel” 名字的手寫簽名，再配上以黑色邊框裝飾的裸粉色蜜粉盒，一個字靚。
另一注目新品係自然亮肌微精華粉底液，含植物甘油及羅望子萃取等成分，更首次利用微流科技製作底妝產品，標榜能夠打造質感清新輕薄、透現自然光采的素肌妝效。而向來係CHANEL熱賣產品之一嘅眼影palette，今次嘅九色眼影靈感源於地質表面，所以全部色調都好易襯，任何膚色都啱用。搽完眼影用埋磚紅色潤色護唇膏，一句講晒，世上總有啲事物， 望上簡簡單單、樸樸素素，但總會令人愛不釋手。
（左至右）
CHANEL LES BEIGES HEALTHY GLOW LIP BALM INTENSE $290 / 3g
糅合維他命 E 衍生物及辣木油,有效滋潤保護雙唇。磚紅色唇膏的乳潤質感遇膚即融，塗抹後雙唇瞬間展現透亮光采。
CHANEL LES BEIGES WATER-FRESH TINT $575 / 30ml
含植物甘油及羅望子萃取成分，為肌膚注入水分，微細粒子分解瞬間緊貼肌膚，釋出的色素分子與粉底液二合為一，橙花香氣亦令人精神一振。
CHANEL LES BEIGES HEALTHY GLOW SHEER POWDER EXCLUSIVE CREATION $530 / 12g
自然亮肌蜜粉餅推出全新限量版，沒有 SPF 配方變得更精巧,蜜粉餅現有兩款色調可供選購(N°10及 N°20)。裸粉色的蜜粉盒以黑色邊框裝飾,盒面印有 “Chanel” 名字的手寫，隨心率性的簽名與 Chanel 女士的作風如出一轍。
CHANEL LES BEIGES NATURAL EYESHADOW PALETTE $735 / 6.3g
這個 Pantone色調組合的靈感源於活躍的地質表面，由閃爍的石塊至陶泥池，軟沙至沃地，每
款色調都經過精心設計，適用於所有膚色。
CHANEL_ 九龍塘又一城G41號舖 2265 8632