Levi’s X BEAMS Inside Out 唔好淨係睇表面

潮流vs時裝，梗係有分別。
潮流追求趨勢與動向，時裝不但包含潮流，更講求深度、內在美，視乎你睇唔睇得出、識唔識得著！牛王Levi’s最近再度與日本時裝生活品牌BEAMS合作，將Levi’s經典牛仔單品結合BEAMS的日系時尚風格，大玩denim反轉外穿，打破穿著的固有觀念，重新定義牛仔服。如果有人笑你「反轉咗件衫嚟著」，你大可笑返佢膚淺唔識嘢，因為時裝從來不是看表面，內在細節先至係重點。所以話，做人千其唔好淨係睇表面！

Logo printed tee $439
501 jeans $2,199

Inside Out Collection

Levi’s與BEAMS的聯乘系列名為「Inside Out Collection」，簡單而直接。一共五件的別注單品包括有品牌經典的Type II 牛仔外套、西部牛仔恤衫和501牛仔褲，另外，仲有大熱的和服外套及夏天必備的白色印花T恤。整個系列採用較厚的12oz原色牛仔布呈現「原汁原味」的質感，以底為面的設計突出牛仔布邊的細節（赤耳），字體反轉的水印和聯名皮牌都是重點。一系列別注details不但表現出一絲不苟的精細工藝，更是創意和時尚的體現。有理由相信，最搶手單品必定是加入牛仔外套剪裁及細節的和服外套，完美地結合美式休閒與日本傳統元素，前衛又不失經典。另外，白色logo tee的反轉字體設計亦是心思之作，搶眼的紅色和橙色logo更是標誌性的設計，絕對是性價比甚高的選擇。