身為都市人，每日都要面對不同環境及空氣污染，就算天生麗質，肌膚點都要靠後天保養先可以keep住最佳狀態。想保養即係要付出金錢及時間，可惜對於都市人嚟講，往往最缺乏就係呢兩樣。好彩呢個世界有家用美容儀嘅出現，貪靚一族唔洗特登就時間去美容院，想幾時保養自己話事﹗

成立於1978 年嘅YA-MAN 係首個將美容小家電引入日本嘅品牌，至今已有171種專利技術，當中有88 項喺日本研發，難怪長期穩守日本女生最愛家用美容儀榜首位置﹗YA-MAN今年推出全新型號Photo Plus EX Eye Pro RF射頻再生亮眼美顏機，首次加入眼部都啱用嘅RF提升技術，唔止可以紓緩疲憊嘅眼周肌膚，同時有效對抗因初老而浮現的惱人眼紋、黑眼圈及眼袋等問題，告別累眼！

6大革命性功能．攤喺屋企hea住做facial

YA-MAN全新美容儀具有RF (radio frequency)、離子導出導入、EMS、微電流、LED Photo、冰感冷卻等6大美容院的常用療程，只需安在家中，就可以享受到美容院級護膚療程！所謂RF技術，是利用射頻技術將真皮以下的組織加熱，促進皮下膠原的收緊及增生，從而收緊已鬆弛的肌膚！YA-MAN美顏機更配合埋微電流，針對護理極容易睇出初老症狀嘅眼周。所以話好多時護膚唔係睇你用咗幾貴嘅護膚品，而係要用啱方法！

除此之外，全新美容儀採用的雙頻EMS技術同時引入低頻、中頻的EMS電流感應，若然有感過往搽極護膚品都未能改善肌膚缺乏彈性的問題，不妨試吓透過雙頻EMS功能將護膚品傳達至角質層，以電流刺激促進肌肉運動，就能達至緊緻效果。除咗日常基本護膚程序，得閒無事就可以拎部機出嚟碌兩碌，在家美容就係咁hea咁輕鬆！

YA-MAN Photo Plus EX Eye Pro (Pink & White) HRF-20W-EYE-HK $4,280

YA-MAN專櫃_尖沙咀海港城海運大廈 Facesss 2926 2300

TEXT/ VICKY CHUI・PHOTOGRAPHER / MARIE ANSON・ASSISTANT / BOOM・MODEL / MIOKO@ SUN ESEE・MAKE UP & HAIR / VIKO