喺瞬息萬變嘅彩妝世界中，唯獨係「裸妝」呢個trend不分四季流行至少十季以上，每季總會見到不同品牌推出相關產品，證明裸妝確係妝界萬年青。不過大家如果曾經化過裸妝，就知道其實裸妝呢回事係易學難精：化得淡太似素顏可能殘樣盡現；稍有不慎重手咗又變濃妝寶，要喺當中取得平衡點實非易事。

一個成功嘅裸妝除咗講求自身功力外，所用嘅產品亦有莫大關係。Sulwhasoo新推的美顔保濕亮潤修護霜，正正係裸妝恩物！集美顔、保濕、亮潤功效於一身嘅佢，含黃芩精華、金銀花、杏籽油等成分，標榜有效抑制多餘的熱量和廢物，預防肌膚因日曬而受損，保護肌膚屏障，令肌膚回復柔軟緊緻。用後可明顯改善暗啞膚色，散發出健康氣息。

留意返，產品除咗有底霜功效外，更可當護膚品使用。大家可在日間或夜間護膚程序最後一步使用，有效改善膚色、膚質同肌膚光澤度，打造真正自然輕透裸肌。若果大家想再望落紅粉緋緋啲，可以再用埋招牌肌本柔潤護唇膏，含豐富山茶花油再配合紅花精華，有極強補濕功效，唇紋即閃！打好根基，裸妝其實唔係你想像中咁難handle嘅啫！

Sulwhasoo Luminature Glow Cream $350 / 20ml （上）
一支集美顔、保濕及亮潤的修護霜，當中含獨家Gel Sponge Texture技術，輕盈質地，能夠使妝容整天不厚重；蘊含黃芩根萃取物、金銀花萃取物及杏籽油 ，有效護養肌膚。 （左）
含豐富的山茶花油配合紅花精華，具極強補濕功效，細膩撫平唇紋，為雙唇建立雙重鎖水屏障
杏核油及專利成分Elastane Complex有效撫平唇紋，讓雙唇更豐潤立體。

Sulwhasoo_中環置地廣場Harvey Nichols_3693 4189

TEXT / IT · PHOTOGRAPHER / MARIE ANSON