每日忙住返工返學，趕車趕船，相信各位好𢯊女子每朝起身上妝個樣都應該唔會太寛容。開心又一日，唔開心又一日。既然一時三刻改變唔到呢個殘酷現況，倒不如透過身邊妝物提升好心情﹗
向來行開幽默路線嘅Benefit，近日新出Hello Happy 無瑕柔亮粉底液及完美無瑕粉餅，打正旗號係要你用得開心！粉盒同瓶身上都印有心心眼笑臉，望住心情都唔會差得去邊。聽埋功效你可能會仲開心－無瑕柔亮粉底液加入自然修圖粒子（Photochromic Pigments），令光線能均勻分佈於肌膚上，用後皮膚好似披上一層薄紗一樣，可淡化瑕疵之餘，亦令整體妝感更平滑。而粉餅則加入乳木果油精華，令肌膚觸感柔滑細緻。兩者都標榜有12小時持久妝效，雙管齊下使用可令妝效更持久貼服。返工前笑住上妝，放工卸妝見到仲未脫妝，仲點會唔開心？
Hello Happy Velvet Powder Foundation $270 / 7g（共10色）
質感柔滑輕盈，讓你輕鬆打造想要的自然啞緻效果！配方添加了乳木果油精華，讓肌膚觸感柔滑細緻。
Hello Happy Flawless Brightening Foundation $270 / 30ml（共10色）
具備中度遮瑕力，質感輕盈，配方含有自然修圖粒子，在自然或燈光下都能瞬間提亮肌膚，花酸成分能煥發肌膚光澤，而透明質酸則有助鎖緊肌膚表面的水分，令肌膚更加水潤。
Benefit_銅鑼灣時代廣場B206A舖_2110 9528