口罩﹗口罩﹗口罩﹗
因為很重要，所以講三次﹗
從社會運動到家陣肺炎肆虐，很多香港人這大半年都過著口罩蒙面的日子。妝都唔使化，確係慳返好多時間。但唔想頹落去，希望只露對眼出嚟都sharp醒過人？最起碼都要畫條眼線，明眸即時回歸﹗
正所謂「工欲善其事，必先利其器」，細微如一條眼線，如果用錯產品，隨時一失足成千古恨。眼線筆有好多種，不過唔係枝枝眼線筆都啱自己用。好多女仔即使有返咁上下化妝經驗，都唔敢擔保自己每次都可以畫到完美眼線，看似簡單的事往往最考功夫！今次好𢯊就為大家全方位分析眼線液、眼線筆同眼線膠三款日常最常用的眼線產品，希望大家向「失手」說不，戴住口罩都知你高質！
對號入座，未必所有眼線筆啱用！
縱然眼線只係眼皮上下一條線，若然配搭適當的眼線產品，不論係大眼細眼三角眼下垂眼，都絕對可以喺短時間內令雙眼感覺更有神。不過產品的使用難度也隨著質地不同而提有分別，想知自己啱用邊款，請按自己能力對號入座。
眼線液 Eyeliner！
據非正式統計，大部分女生都常用眼線液，貪佢夠方便兼易上色，而且多色多選擇。眼線液一大優點就係筆觸夠銳利感且線條偏硬，可以畫出非常細緻自然又明顯的眼線，勾勒眼形效果一流。加上妝效持久且不易暈染，十分適合畫內眼線，成為不少追求「化咗妝等於冇化」女生的心頭好。然而由於眼線液筆尖一般較軟，描畫眼部線條時較難掌控，隨時畫出界，而且眼線液非一劃即乾，用完眼線液要花丁點時間等眼線乾透才可完全睜開雙眼，否則容易暈染在眼皮上，到時就真係費時失事。不過只要能夠多加練習，就無咁易失手！
（From top to bottom）
KATE Tokyo Super Sharp Liner EX 2.0 #br1 $85 / 0.6ml /a
半溶化筆觸，延展後匆快速凝固。一線刻畫持久耀目眼線。極細眼線膠筆，抗汗、水、眼淚的防水型款式，耐皮脂、耐摩擦的抗暈染款式。
GIORGIO ARMANI Beauty Eyes to Kill Designer eyeliner #4 $250 / 0.5mlc/ b
具獨特的水感配方及極致精細的掃頭，令描劃時更細緻及精準，妝效持久，不易脫色。
TALIKA Lipocils Liner $228 / 0.8ml / c
採用獨特配方使關鍵成分盡可能直抵睫毛根部，促進睫毛增長，呈現豐盈濃密的效果。含金縷梅、蘋果、蕁麻、栗子和聖約翰草等，可促進睫毛增長，呈現纖長濃密的眼睫毛。
NYX Professional Makeup That’s The Point Eyeliner #A Bit Edgy $95 / 1.1ml / d
眼線筆筆尖具纖細和柔軟的毛，而且高著色度和防水，令你毫不費力地繪畫出黑色深邃的眼線。眼線液非常飽滿，每一筆都非常著色流暢，輕鬆畫出精細的眼線。
FENTY beauty Flyliner Longwear Liquid Eyeliner $168 / 10g /e
e眼線筆採用一種長效又防水的配方,快速乾透而且不會暈染，讓你體驗液體眼線筆的純色，以及凝膠眼線筆的流暢感覺，直到你卸妝前都絕不褪色。這款輕鬆易用的眼線筆採用智能三角形設計，靈感來自易握筆型的設計，讓你更舒適地握住筆身和方便控制下筆,自然勾勒眼線。
眼線筆 Eye Pencil！
眼線筆的失敗率較低，即使是初學者也可以畫出一條亮麗的眼線。顧名思義，眼線筆就如普通鉛筆般，需要定期將筆頭削成扁平狀。雖然要花多少少時間，但眼線筆最受人追捧的地方係妝效自然，顯色度亦不錯，而且相當易卸，即使不慎畫錯都可以即時砍掉重練。若想打造較嫵媚妝效，可以喺完成眼線後，用棉花棒輕輕推開，使其呈現模糊感。不過由於筆觸所限，線條偏粗，一般都不能畫出太幼的眼線。另外有一致命缺點，就係容易暈染，眼皮較油的人仕應該last唔到半日。
（From top to bottom）
URBAN DECAY 24/7 Glide-On Eye Pencil $180 / 01.2g / f
24/7 Glide-On眼線筆能輕鬆勾畫出魅惑眼線，更可當作眼影打底，畫在睫毛根部位置再塗上眼影即可令眼妝更立體。防水配方易於推開，只需約30秒便能乾透。
NARS HIGH-PIGMENT Longwear Eyeliner #Night Porter $250 / 0.03oz / g
啫喱狀容易暈染推開，瞬間勾勒清晰線條，據說妝效持久達12小時。可削尖筆頭方便描繪內眼線，同時打造煙燻眼妝。
Charlotte Tilbury Kohl Eyeliner Pencil #Barbarella Brown $225 / 10g / h
用化妝刷暈開，即可打造更自然的妝容。蘊含防水配分，不含對羥基苯甲酸酯類防腐劑和其他防腐劑。
shu uemura lasting soft gel pencil #intense black $220 / 0.08g / i
兼備了眼線筆的方便特質及眼線啫喱的柔滑持久效果，而且1.5mm的極幼細筆尖，可以畫出精準俐落的眼線。眼線更可維持長達12小時、防水防油，化妝新手及專業美妝控都適合。
VDL Expert Pencil Liner #03 $170 / 0.5g / j
如乳脂般的绵柔配方，能打造出清晰持久的眼妝。備有大路的黑色、棕色，亦有色彩鮮艷的亮彩色系，更在黑色的基礎上加入閃爍粒子，能塑造奪目眼妝。
眼線膠 Gel Eyeliner！
望住一樽樽眼線膠，感覺好似好專業，但其實係最穩陣的選擇。結合眼線筆容易掌握及眼線液妝效持久的優點，眼線膠使用份量易控制，筆觸又夠精準，畫起來的眼線線條自然而不僵硬，色彩飽和度及持妝力屬三者中最強。不過世界上絕少出現十全十美之物，眼線膠最為人詬病的地方是：一啲都唔user-friendly！每次使用前都要花少少時間去清理眼線刷，如果使用後沒有好好關上眼線膠，當眼線膠接觸空氣後，就會好快硬化，變相報廢。所以如果自問係大意兼懶人，眼線膠未必係你杯茶。
（From left to right）
KIKO Lasting Gel Eyeliner $78/ 3g / k
質感柔軟的眼線啫喱，效果持久，線條色彩濃郁、炫亮，而且非常均勻，塗抹後速乾，完美貼合眼部皮膚，不易暈染。
M.A.C Pro Longwear Fluidline #Lowlights $160 /3g / l
持久眼線膠，適和搭配刷子使用，顯色度佳、不易暈染、不易掉色。
Bobbi Brown Long-Wear Gel Eyeliner #black $240 / 3g / m
高度顯色，獨特的啫喱配方助你輕易打造自然或華麗妝容，妝效持久。
a / KATE Tokyo_美孚新村萬事達廣場七期地下N58, N65-68號舖 3169 3333
b / GIORGIO ARMANI Beauty_觀塘APM C-13號舖 2813 9555
c / TALIKA_尖沙咀K11藝術購物館一樓105號舖 3110 5898
d /NYX_旺角銀城廣場G-07號舖 2339 2129
e /FENTY BEAUTY_旺角朗豪坊BEAUTY AVENUE 3903 8888
f / URBAN DECAY_尖沙咀海港城海運大廈202號舖 2110 9759
g / NARS＿中環ifc Mall商場1093 號舖 2918 9886
h / Charlotte Tilbury_尖沙咀馬哥孛羅香港酒店商場 L2 201號舖 3101 4799
I / shu uemura＿銅鑼灣SOGO百貨B1層2572 1694
J / VDL_荃灣廣場BEAUTY AVENUE 2/F 3903 8937
k / KIKO _將軍澳東港城M77號舖 2663 0655
l / M.A.C_旺角朗豪坊BEAUTY AVENUE 3903 8826
m / BOBBI BROWN_沙田新城市廣場一期 403號舖 3427 9420