在家千日好，呢句說話未必適用於大部分香港人身上。即使平日返工幾忙都好，對好多人嚟講，day off一定要出街先叫放假。然而經此一「疫」後，大家終於發現家係有幾咁重要。再慢慢發現，無論出面乜環境，最終都係想返返去屋企呢個避風港。
以前成日覺得留喺屋企一定無所事事，但自從開始全世界主張work from home 之後，漸漸發覺原來好多嘢都可以喺屋企做，特別係美容Treatment！近年美容小家電大行其道，不少品牌爭相推出相關產品，由單一功能到N項功能，總有一款fit到你需要。面對坊間五花八門的選擇，實在無從入手。老套啲講句「工欲善其事，必先利其器」，想搵一部最啱自己嘅美容儀，就必須了解不同種類，原理同功能、仲有自己膚質及需要！
美容儀知多啲﹗
微電流
記唔記得當年喺格仔鋪hit到爆炸嘅黄金棒？佢嘅原理就係微電流，簡稱EMS。其背後原理非常簡單，用細微電流傳輸到人體的皮膚甚至肌肉上，藉以刺激肌肉按摩，加快面部血液循環，令肌肉恢復彈性。同時通過微電流的刺激，可以促進ATP（產生膠原蛋白關鍵物質）的產生，達到緊緻提拉、瘦臉以及消除水腫的效果。
適用人士︰任何年齡、膚質的女生都可使用，使用方法簡單，絕對係新手入門之選。不過其優點同缺點都好明顯，就係快見效但快打回原型，所以一定要Keep住日日用先至見效。
電離子
單係聽電離子呢個term，腦海未必即時浮現到實物；不過一講到導出同導入，大家一定get到係乜。電離子原理係利用正負電流物理產生同性相斥、異性相吸作用，將肌膚的毛孔污垢導出；將所使用護膚品導入底層，加強皮膚吸收能力，藉以達到導出同導入功效。
適用人士︰同樣係任何年齡及膚質的女生均適用，而且可以每日使用。不過大家要留意，如果導入的護膚品唔符合導入條件，就好難睇到應有效果。建議各位使用具有活性離子成分的護膚品，例如維他命C曲酸、熊果素、傳明酸、勝肽等成分。因為活性離子同導入電流的電極擁有相同極性，當兩者遇到之時，護膚品會透過毛孔、汗腺滲透到皮膚底層。
射頻
某程度而言，射頻同微電流其實都係近似性質，但前者係高頻電流，功效比較明顯。射頻原理係利用高頻電流加熱真皮層，刺激皮膚真皮層分泌更多膠原質，令皮膚的膠原細胞重新排列，讓皮膚細胞溶解，從而達到飽滿緊緻、減淡皺紋的效果。
適用人士︰針對肌膚開始出現鬆弛細紋，膠原蛋白開始流失的20+女生。雖然射頻的效果顯著，但危險性亦係各種美容儀中較高。一般射頻類的產品的高頻交流電流需要達到每秒1萬次交流以上先可以做到緊膚的效果，基於安全性同專業性問題，一般家用美容儀的電流範疇係喺3千到100萬次交流之間，即係射頻頻率0.3-1MHZ的範圍，超出呢個範圍的儀器，已經係屬於醫美級別，擁有專業資格先可以使用，唔係就好容易燙傷肌膚。所以喺挑選射頻機時，切記唔係電流愈高愈好，最先考慮一定係使用安全同效果安全。
超聲波
大多超聲波類型美容儀都係潔面儀器，其原理好簡單，主要利用超聲波高頻振動方式，將毛孔深處的油脂污垢清理乾淨。另外高頻振動亦能讓皮膚的局部血液和淋巴液產生良好的微循環，大大提升皮膚新陳代謝率。
適用人士︰所有覺得自己塊面洗得唔夠乾淨的人，值得注意嘅係每星期最好只用2-3次為佳，因為過度使用有可能為皮膚增加負擔，甚至隨時變成敏感肌。
LED
顧名思義，LED型美容儀就係利用不同光源達到護膚效果。此類型儀器大多以紅黃藍三種顏色為主，針對性各種肌膚問題，例如暗瘡、色斑、毛孔粗大等等。當特定波長光線被皮膚吸收後，就會被細胞轉化為內能量，促進皮膚新陳代謝，改善肌膚狀況。
大部分LED美容儀都係以以下三種顏色光源為主：
紅光： 620nm波長最長，能夠穿透肌膚。修復功能最強，有效增加肌膚彈性，修復肌膚，緩解肌膚老化。黃光：580nm波長次長，主打加快血液血液循環，從而達到淡化色斑，提亮暗沉膚色效果。藍光：415nm波長最短，功效為殺菌抗炎，修復皮膚表面粗糙，調節水油平衡。適用人士︰任何年齡及膚質女生，使用方法簡單，三歲小朋友都識用，但緊記孕婦不能使用。
LG Total Lift Up Care $3,680 / a
採用高頻電磁波丶紅光 LED 燈及微電流，透過結合熱能及長波長的紅光，直達真皮層，由內至外激活膠原蛋白和彈性蛋白的產生，滲透至肌底以增強彈性；幫助收緊毛孔，減淡細紋和皺紋，有效緊緻提升面部線條及輪廓。
FOREO BEAR™ $2,320 / c
結合卓越的微電流和T-Sonic垂直聲波脈動技術，對初老跡象進行針對性鍛煉，使肌肉更加緊緻。提供5種微電流強度，實時檢測肌膚可承受的微電流強度，以每0.01秒一次的速率收集皮膚測量值，令用家能掌握肌膚狀態。
YA-MAN Photo Plus EX Eye Pro RF（Lavender）HRF-20W-EYE-HK $4,280 / b
將RF (radio frequency)、離子導出導入、EMS、微電流、LED Photo、冰感冷卻等美容院的人氣療程集合於一部機中。RF射頻再生亮眼美顏機沿用過往型號的低頻EMS電流感應，同時引入中頻EMS電流感應，形成雙頻電流，更有效激活肌膚底層。
Tripollar STOP V $4,388 / d
STOP V射頻美容儀把兩種專業技術DMA 動態肌肉啟動技術和RF多極射頻技術合拼於一機， DMA可以將EMS微電流直入皮層下的SMAS淺表筋膜層，鍛鍊臉部肌肉，從而提升蘋果肌和促進新陳代謝，以改善臉部線條。
LG Derma LED Mask $6,080 / a
配備 160 個 LED ，分別有 80 個紅光 LED 及 80 個紅外線 LED。使用時同歩釋放出不同波長的光線，産生長波長的紅光和短波長的紅外線，穿透深層皮膚。LED 面罩更細心考慮面形和各部位的最佳光源分佈，集中分佈兩邊面頰的童顏穴位 ，讓兩種光源互相補足，緊密地滲透於不同肌膚層，針對及改善容易暴露年齡的法令紋，護膚同時美白保濕。
FOREO LUNA 3 V-SHAPE $1,530 / c
採用專利T-Sonic™垂直透膚聲波脈動技術，據稱每分鐘震動8,000次。有效去除大約99.5%的污垢、油脂以及殘餘妝物，更有助於後續保養品的吸收，令肌膚更有光澤、順滑及緊致富彈性。
MDNA SKIN MASK REMOVER $ 600 / f
一般去角質保養或會剝離肌膚所需的角質層，對肌膚造成負擔，但礦物泥面膜能溫和地只去除不必要的表面一層，而泥膜吸附儀的磁力亦無需直接接觸肌膚，即可將這些角質和皮脂去除。據稱能調整皮脂平衡及肌膚的屏障功能，使肌膚水潤飽滿，充滿彈性。
ReFa RHYTHM $2,380 / e
儀器表面均勻分佈著 50 個圓潤的按摩起點，透過垂直刺激 x及揉捏動作改善表情肌，模擬「點壓揉捏」手法， 促進肌肉運動，有效紓緩僵硬的肌肉。 透過有規律的節奏和力度來實現護理。
YA-MAN Medi Lift EMS $2,380 / b
2種獨特的EMS同時實現提升、鍛練和放鬆三大拉提護理。是日本首款醫用矽膠面膜儀，可以收緊面部肌肉，可安在家中進行治療。
究竟美容儀work唔work？
睇完咁多資料，總會有人仍然對美容儀抱懷疑態度，覺得喺屋企做facial只不過係gimmick。年前東京工科大學曾經發表一項關於「家用型美容臉部按摩儀」嘅研究，不同數據都証明keep住用美容儀，對皮膚改善有正面效應；而早前hit到爆炸嘅韓劇《愛的迫降》女主角孫藝珍都曾公開表示好膚質都係靠長年用美容儀得嚟，連尹世理都咁講，成件事係咪立即有說服力好多？
當然從另一角度睇，亦可以睇成一切都係商家嘅鋪排。無可否認，廣告裡的宣傳標語或有誇大的可能性，但不得不承認長期使用美容儀，配搭適當的護膚品及良好生活習慣，對提升肌膚質素起到一定的作用，但如果閣下當美容儀係救世主的話，咁註定就失望了。舉個例，若然想靠潔膚儀就可以徹底解決黑頭、暗瘡、毛孔等問題，咁實在係太天真。換個角度睇，堅持使用潔膚儀係可以更深層清潔肌膚，從而減少黑頭、暗瘡，毛孔望上去亦細好多。世上從來冇免費午餐，想解決肌膚問題亦無可能一勞永逸。
a / LG_太古城中心4樓410號舖 2884 0324
b / YA-MAN專櫃_尖沙咀海港城海運大廈 Facesss 2926 2300
c / FOREO_銅鑼灣時代廣場連卡佛 Lane Crawford 6654 2605
d / Tripollar_觀塘巧明街112號友聯大廈6樓 2115 9542
e / ReFa_中環置地廣場 Harvey Nichols 1 樓3695 3110
f / MDNA SKIN_中環置地 Harvey Nichols1樓3695 3110