成世人流流長，總會遇上某個伴侶，係好多人都覺得佢平平無奇，只有你見到佢嘅所有優點。就如美國香水品牌Le Labo，一直以來由包裝以至宣傳都低調到極唔會刻意討你歡心，但就係呢份樸實無華的特質，令粉絲被深深吸引。
Le Labo全新推出的身體、頭髮與面部護理系列，亦一如以往地只如實描述產品特質，承諾配方只採用優質的植物成分，以及在加州的實驗室製作。產品中亦不含羥基苯甲酸甲酯或人工色素，而且不經動物測試。經嚴格規定製造出來的產品，真係會好用啲咩？Le Labo當然唔會寫包單，但亦唔會誇大其詞，只會話每項產品都恰如其分，只求你用得安心又舒暢。 咁老實嘅品牌，加上簡約樸實的包裝，不如俾個機會佢，即管親身試試啦！
Le Labo Lip Balm $130 / 15ml (left)
潤唇膏最忌搽完油淋淋，好似冇抹嘴咁。不過呢支就講明不黏膩、無光澤，仲不含礦脂，純素主義者都可以放心使用。
Le Labo Hand Pomade $215 / 55ml (right)
蘊含深層滋養配方，質地輕軟不油膩，令粗糙雙手立即得到滋潤。其香氣混合了馬鞭草與柑橘等植物氣息，混合多片香葉與羅勒，清新怡人。
Le Labo Hand Lotion $280 / 250ml (left)
疫情之下，經常洗手加上勤用酒精搓手液，都會令雙手變得乾燥。呢個時候最不可或缺的，當然是一支潤而不膩的護手乳。
Le Labo Hand Soap $190 / 250ml (right)
簡單純粹的洗手液配方，質地厚實，是日常必備的清潔良品。加上馬鞭草與柑橘等植物香氣，洗完手香噴噴，人都醒神啲！
Le Labo_尖沙咀梳士巴利道18號K11 MUSEA G23號舖 2759 8322