「好嘅料理有一定步驟去跟隨，我哋可以快但唔可以急，一急跳咗步味道口感就會唔同。」
這大半年來，常聽說抗疫期間人人變廚神，因為疫情下大家盡量留家抗疫，宅在家中百無聊賴唯有寄情烹飪，加上政府勒令食肆晚市禁堂食，無論是否自願都要開始自煮人生。幸而網上有大堆影片、文章甚至插畫教你煮餸，只要肯睇肯學，就算唔睇得都起碼食得落。
好𢯊今回邀請日式料理教室 suijiba 的主理人 Virginia， 為大家示範買一次餸可連吃四餐的一人前日式料理餐單，唔止好睇好食，重點係透過不同食材的組合，創作出四餐豐富又好味的日式料理，備足四餐料又可以出少啲街買餸。無論是否經歷疫情，一個人生活總不成問題。可是，若一個人自理三餐，不吃外賣，又有幾多人做到？其實用心煮一餐比自己食，都係一種享受。
辛苦工作，都係為咗食餐好嘅犒賞自己……
煮飯睇落好似好易，實際煮起上嚟卻又麻煩得很，這也是為何咁多人嫌麻煩，寧願出街食或者叫外賣都不願大費周章去煮的原因。無論是否經歷疫情，好多香港人有返工無放工，靠速食快餐果腹往往都是身不由己，好多時放工已過正常晚飯時間，即使還有廿四小時超市及便利店，拖著疲累的身軀又真係會攰到連煮嘅力氣都無，自己煮？可能最後只是簡單煮個公仔麵又一餐。
既然疫情下點都要靠自己，不妨試吓自煮一人餐！ suijiba 的主理人 Virginia 為香港打工仔設計了這個買一次食材可連吃四餐的一人前日式料理簡易餐單。這餐單主要是根據香港人可輕易在普通超市買到的材料，並能於短時間內快速煮好，絕對適合自煮嘅入門新手！不妨趁週末一次過買好四餐食材，煮餐好的犒賞自己！
梅干醬＊
雞扒
鯖魚
本地南瓜
舞菇
菠菜
芝麻
鰹魚乾
羊栖菜
油豆腐皮
（ 註︰＊梅干醬於suijiba有售，因拍攝當日缺貨，故以日式梅乾代替。）
第1餐
梅子醬烤雞扒
南瓜菇菇味噌湯
芝麻菠菜
羊栖菜煮油豆腐皮
白飯
主菜：梅子醬燒雞扒
食材
雞扒 1 塊
調味料
梅干醬 1湯匙
乳酪 ½ 湯匙
味醂 ½湯匙
步驟
1. 雞扒洗淨抹乾後，先去除肥膏及切斷筋位。
2. 將所有調味料拌勻。
3. 將梅子醬塗抹於雞扒上，醃 45 分鐘或以上（如時間許可最好醃過夜）。
4. 預熱焗爐至 200 度。
5. 將雞扒放入爐內焗至雞皮金黃色，需時約 10 至 15 分鐘。
一人前小貼士：
雞扒醃得愈耐自然愈入味，最理想是醃過夜，如沒時間醃製，可先完成雞扒調味再利用醃製時間處理其他菜色，如即晚處理雞扒大約醃製 45 分鐘。將雞扒放入焗爐前再次掃上醬汁，雞扒顏色會更靚。利用熱力焗乾雞皮的油，所以煮食過程中一滴油也不用加。假如需要準備多餐或多人份量，可預先醃好幾塊雞扒放入密實袋再放置於冰箱（備註︰第四餐亦會用梅子醬雞扒製成其他菜色）。近年流行自家醃物，梅子乾是 Virginia 的拿手漬物，醃兩、三個月後拿出來曬然後再醃，若沒時間自製梅子乾亦可買現成梅干醬，而味醂是用來中和梅干醬的酸味。可以加梅干，乳酪裡的酵素同樣可以分解肉的纖維，從而達到軟化肉質的功能。味醂除了以其甜味中和梅干的咸酸味外，亦可令料理在烹調過後更富光澤，有如蜜糖在燒烤中的角色。
湯：南瓜菇菇味噌湯
食材
南瓜 ¼ 個
舞菇 ½ 盒
蔥 少許
鰹魚高湯 800 毫升
黃味噌 1 至 2 湯匙
步驟
1. 洗淨南瓜後切粒。
2. 按喜好將鰹魚碎加水煲成約 800 毫升的高湯，夾起煮好的鰹魚碎放進雪櫃留待下餐。
3. 鰹魚高湯滾後加入南瓜粒，再滾起時收細火，熬至南瓜變軟及湯頭變甜，需時約 30 分鐘。
4. 加入舞菇，滾起轉細火，最後逐少加入味噌調味。
一人前小貼士：
本地橙皮南瓜相比日本綠皮南瓜更甜，如果怕買整個吃不完，街市或超市亦有已切開分裝的南瓜出售，剩餘的南瓜籽更可放入焗爐焗香成為 Granola 的材料。日本人每餐必備味噌湯，不單是加入麵豉調味，由配菜開始落，最後才落麵豉，由零開始煮大概需要半小時。
前菜：芝麻菠菜
食材
菠菜 300克 約 ½ 斤
芝麻
調味料
鰹魚高湯 2 湯匙
薄口醬油 2 湯匙
味醂 1 湯匙
步驟
1. 洗淨菠菜，川燙後放冰水，冷卻後揸乾水分並切段，沾上芝麻。
2. 將所有調味料混和，淋在菠菜面。
一人前小貼士：
芝麻可先用細火炒香至金黃色後上碟。菠菜洗淨後可保留根部，待水滾後才落菜，再加些鹽調味。浸冰水除了因為需製成冷盤，冰水亦可保留菠菜的青綠顏色，不易變黃。假如先煮菠菜，剩下的水更可做麵豉湯底，令湯底帶點菜味。
前菜：羊栖菜煮油豆腐皮
食材
羊栖菜 少量
油豆腐皮 兩塊
調味料
薄口醬油 適量
味醂 適量
步驟
1. 將羊栖菜浸水至發大，油豆腐皮切成條狀煮熱。
2. 加入調味料混和。
一人前小貼士：
這款常備菜可多煮一點，留待之後備用。羊栖菜是日式常備菜之一，可於日式大型超市內找到，先煮一大盒放雪櫃，便可隨時攞出來送飯。通常前菜比較快完成，會放在最後的時間製作，建議先做較花時間的菜式，尤其是需要醃製的食材，最好前一晚醃製，這樣煮一餐大約需一小時。
想知點樣買一次餸可以煮到四餐豐富和食料理，就要留意相關文章喇﹗ 仲有，如果你都想跟suijiba學煮幾味，即關注suijiba社交平台並參考各料理課程資料。
suijiba_牛頭角定富街103號地下10號舖 6315 8696
Facebook / suijiba
Instagram / suijiba
延伸閱讀︰
日式家常料理の美好・買一次餸煮足四餐
一個人都可以食好啲﹗ (二) 鯖魚果有一天
一個人都可以食好啲﹗ (三) 飯團結就是力量
一個人都可以食好啲﹗ (四) 拌麵對困難的勇氣