細個睇Roald Dahl 的經典名著《Charlie and the Chocolate Factory》絕對係大開眼界，生活喺樣樣嘢都食得嘅國度簡直係兒時夢想，食到蛀牙亦在所不惜！女人對甜食嘅慾望向來強烈，隨著有「糖果界 Tiffany」之稱的Sugarfina正式登陸香港，相信女士們的「糖果慾」又再燃起！

大人の糖果 · 來一杯香檳熊仔糖

絕不誇張，第一次吃 Sugarfina champagne bear真係有「好食到驚」之感，驚訝點解一粒熊仔糖可以好味到咁、更驚嘅係好快食晒唔知點算﹗除了和一般熊仔糖一樣好「𡁻」，入口的香檳味一啲都唔假！看看成分，原來真的加入了高級香檳製作，而且選用天然色素，total fat一欄更是0%！試過比較同樣於德國製造的熊仔糖，細心品嘗之下，味道同口感仍有差別，Sugarfina總有一種原汁原味的食感！作為一個由細食熊仔橡皮糖食到大嘅糖果迷，可以大膽講句︰「未食過Sugarfina點算食過真正嘅靚糖？」

Sugarfina Champagne bears $88/small cube

首間海外分店登陸海港城

2012年於美國L.A. 成立的Sugarfina，因創意口味及優良品質而爆紅，被喻為「為大人而設的奢侈精品糖果店」，難得首間海外分店揀中香港落戶，實在可喜可賀！眾多口味創新、造型精緻的糖果如啤酒、西瓜和雪糕等，配上透明方形cube包裝，的骰時尚 ；而以日本便當盒為設計靈感的Bento Box更可自由配搭，顧客可自選喜愛的口味，送禮自「食」一樣啱！為了慶祝香港首間糖果店開幕，特意推出限定版「Hello Hong Kong！Candy Bento Box」，以香港經典電車造型作包裝，內有經典口味「玫瑰香檳小熊軟糖」和「富士山蘋果焦糖糖果」，齋睇造型已經無得輸！店舖日後更會加設飲品及雪糕，令人拭目以待！

Sugarfina Hello Hong Kong！ Candy Bento Box $258

新店位於人流暢旺的海港城，仲要係以前STARBUCKS個位，註定排長龍。

Sugarfina_尖沙咀海港城港威商場三樓3327號舖   2116  4688

Text/ Elva Pang · Photo/Elva Pang、部分相片由品牌提供