平時經過零食店總係習慣放慢腳步，入去行返兩個圈睇吓有乜嘢新零食。零食黑洞一直都唔願試網購零食，因為當零食癮一起就連一分一秒都唔想等，何況買完仲要等一兩日包零食先至送到？不過最近手痕痕喺健康生活網上平台 iHerb 買咗啲美容產品仲順手買多兩包零食，單睇網上照片已經覺得幾吸引，即管買嚟試試佢！
自從有次食過朋友買嚟做手信嘅椰子片，平時麻麻地「椰味」嘅我先至發現原來將椰子當零食可以咁好味！呢包 Made in Nature 有機楓糖雲尼拿椰子片，以有機椰子切片加上楓糖漿烘烤而成，不含化學物質。薄薄一片，香脆可口，食完都無乜罪惡感，仲好似幾健康添﹗仲有朱古力、肉桂同意大利咖啡味，除咗直接食，仲可以加入燕麥或乳酪一齊食，增添口感！
唔好話我連熊仔軟糖咁普通都介紹﹗一般果汁軟糖中的明膠成分原來是由豬皮、牛骨膠等提煉而成，令軟糖口感更煙韌彈牙。呢款熊仔軟糖特別之處在於係素食軟糖，不合麩質、以有機蔗糖製造，無大豆、蛋類及乳製品，素食者都食得！食落同一般德國大牌熊仔糖明顯有分別，不是假假的彈牙質感，反而比較軟身。唔止咁，仲加入咗真正果汁如石榴、芒果、桃和士多啤梨等，口味天然，食落都唔係一味假甜，而係甜中帶酸，愈食愈開胃！
Made in Nature 有機楓糖雲尼拿椰子片
Price︰$34.7│Shop：iherb.com
Price：YUM EARTH 小熊軟糖
Price︰$44.7│Shop：iherb.com