好多人話香港地方細細但人多多，總覺得已經無玩到無咩好玩，莫講話節日，就連週末去邊玩都好傷腦筋。係嘅，不過香港地方雖小，但其實好地方多的是，只要識得搵、肯用心去搵，一定唔愁搵唔到好去處﹗
聖誕將至，安排咗節目未？如果我話想介紹你去迪士尼，會唔會嘘我先？真㗎﹐真係想約你去迪士尼。去迪士尼？聽落無咩特別，事實上又真係唔特別，重點係原來呢個地方特別有聖誕氣氛﹗筆者非迪士尼粉絲，亦無特別鍾情的卡通人物，但係當我踏入迪士尼，體驗連串為聖誕節而設嘅特備節目，嗰陣濃濃嘅聖誕氣氛令我以為當日已經係12月25日。引用Edna Ferber名言“Christmas isn’t a season. It’s a feeling. ” 加上今年係米奇老鼠90歲生日，驚喜位遍佈整個樂園，非Disney迷如我都覺得精采，如果你係Disney粉絲自然唔可以錯過﹗
A Disney Christmas 2018
由即日起至 2019 年 1 月 1 日，香港迪士尼樂園為大家準備咗連串應節活動，當中包括為幻想世界－－夢想花園新增的夢想冬日市集，以及集中在美國小鎮大街舉行、聖誕限定的升級版大型活動如米「奇與好友聖誕舞會」、「聖誕飄雪時刻」、「夢想成真聖誕樹亮燈禮」及「聖誕歡送時刻 」。唔止咁，入場人仕更可以參與「We Love Mickey!」大街投影盛演(生日特別版)，光影投射在大街兩旁的房子上，將整條美國小鎮大街改頭換面，化成米奇星光大街，米奇和米妮更會穿上 90 周年特別版服飾壓軸登場和大家見面，一齊唱生日歌。 今年聖誕入到迪士尼，就算咩機動遊戲都唔想玩、咩都唔想食、甚至無興趣shopping，只要在小鎮大街找個角落靜靜坐下，已經有源源不絕的好節目。無論成班人去、同情人去、甚至一個人，應該都會好enjoy！
可能因為人在香港好少機會見到雪，所以當6：30pm的「聖誕飄雪時刻」來臨時，大家情緒特別高脹。溫馨提示，除了上述時間，美國小鎮大街亦會不定時「飄雪」，等大家好好捕捉影雪時刻。
留意返，6：45pm有「夢想成真聖誕樹亮燈禮」，全新的 18 米高聖誕樹掛滿節日裝飾和 LED 燈飾， 配合聖誕歌詠團的現場獻唱和小型煙火，真心靚﹗
今年新增「夢想冬日市集」專門售賣聖誕特色精品及食物，其實在樂園四周均有售賣聖誕特色精品的攤檔，筆者特別推介布魯圖（左）及三眼仔（右）聖誕爆谷桶，兩款都咁得意﹗ 各$180
Hong Kong Disneyland_ 大嶼山香港迪士尼樂園 +852 183 0830