每個女生都是獨一無二的，即使大家也是豬年出生。
新年伊始，現居法國的香港插畫家LOKZ PHOENIX為好𢯊讀者帶來三個小故事。
藉著一幅畫、一個故事，告訴大家生活是有選擇，無論命運如何，也是好𢯊人生。
Charlie Chan （香港人）/ 24歲 / 市場策劃
家中孻女，從小在兩位姐姐的疼惜下成長，是家人及同學眼中的小霸王。2017年大學畢業，新鮮滾熱辣投入社會工作，成為職場少女。
十二年前，當你十二歲，你在哪？過怎樣的生活？
十二年前我應該讀緊小六或中一。當年無論係小學定中學，我都同我家姐同校。礙於有家姐嘅光環，即係好多高年級嘅師兄師姐同老師都識我，所以我當時好有優越感，講嘢都大聲過人！
你曾想過十二年後會是現在的樣子嗎？為什麼？
完全無諗過十二年後嘅自己會係點，因為當年大家所謂嘅夢想都係做醫生、律師、警察，但我無興趣。
十二年後，當你三十六歲，你認為你正在哪？過怎樣的生活？
36歲嘅我應該都係大唔透，而且唔會想安定咁留喺屋企，係一定要返工嘅中女。不過最重要係寓工作於娛樂，日日返工淨係想玩。
給二十四歲的自己一個目標，會是什麼？
廿四歲話大唔大，話細又唔細，有啲人覺得呢個歲數唔應該再犯錯同撞板，但由於最近加入咗新公司，所以我成日都好擔心做嘢做得唔好，有時私人時間都會做公司嘢。不過，要錯嘅都係會錯，只要諗到解決方法咪得囉﹗所以廿四歲目標係：放輕鬆啦香港人，撫心自問博盡無悔就得喇﹗