舊時代社會總是將紋身標籤成不良人群的標誌，呢種想法何止不合時宜，直情係離譜。今時今日，紋身已經無咩咁大不了，你我他身邊總有人紋身，甚至瘋狂愛上紋身。紋唔紋，考慮嘅重點唔再包括「身體髮膚受諸父母」，大家更關心的反而是紋身的潛規則，如香港人最愛去的日本，任何有紋身的人，不管其職業是什麼，往往不能使用部分公共浴室、泳池或溫泉等公眾地方。其實講來講去都係嗰點，因為紋身是永久性的，所以無論社會點變，都係諗清楚先好紋啦﹗
筆者怕痛所以唔敢紋，但有時真係好想幫對手扮吓靚。好彩烏克蘭品牌Tender & Dangerous特製了一系列創意無限的刺青手套，雖然點睇都同真紋身相差好遠，但勝在手套上的圖案手工精緻且搶眼有趣，想幾時戴幾時除悉隨尊便。
Tender & Dangerous 將經典放上手
烏克蘭設計師Christina Goncharenko和Katya Goldenstein於2018年4月創立Tender & Dangerous，主打於網布繡上精緻圖案再以人手縫合的手工手套。特別之處在於一系列富創意且經典的刺繡圖案，如以Cult片中的經典作《Leon》（《這個殺手不太冷》化成玩味繡花圖案。設計師更引用經典歌曲中的句子或是懷舊海報中的標語作裝飾，一方面賦予諷刺意味，亦容易引起時裝人的共鳴。難怪品牌出品的手套能在創牌一個月左右，成為多個派對的主要配飾。可能有人會認為一對手套承惠過千貴咗少少，但係Tender & Dangerous嘅刺青手套採用優質的彈性網布，加上精緻的繡花圖案，淨係計手工咁嘅價錢已經算合理。與其為佩戴哪款誇張飾物搶鏡，不如戴上特色又優雅的刺青手套﹗
Tender & Dangerous Killer tattoo gloves $1,699
Tender & Dangerous Love Forever tattoo gloves $1,699
Tender & Dangerous Gagarin tattoo gloves $1,699
I.T_金鐘太古廣場252號舖 2918 066