粉紅色都可算係好極端嘅一種色調：討厭佢嘅人會敬而遠之，連丁點兒都容不在眼內；相反鍾意嘅人就會好鍾意，甚至瘋狂到可以total look清一色上身，愛恨程度可以達到極致。一句講晒，不論係乜產品，只要係粉紅色包裝，總會有班粉色控買單！
innisfree新推的濟州王櫻保濕提亮系列，就正正以柔和嘅淡粉紅色包裝，望上去好感度大增！至於點解要用粉紅色，除咗夠eye-catching之外，另一原因就係因為是次新系列產品成份採取自濟州培育出嘅王櫻花，標榜能夠同時提亮肌膚兼做到高效保濕。包裝顏色同原材料成分一樣，甚有連貫性！
作為今年重點產品，品牌一口氣推出四件新品，分別係濟州王櫻透嫩素顏霜、水潤啫喱面霜、亮澤爽膚水及亮澤乳液，最注目嘅一定係素顏霜！豊含濟州王櫻葉子萃取，天然甜菜鹼等成分，聲稱有助暗啞肌膚重現亮澤，並改善肌膚缺水問題。質感清爽不油膩，啱晒夏日熱辣辣嘅大熱天時使用。除咗可當一般面霜使用外，更可混入乳液作妝前保養品使用，試搽上手確實做到均勻膚色之效，兼發出淡淡粉紅氣息，扮偽素顏確實一流，誠意推薦畀各位尚未夠膽喺男友面前真素顏嘅女生一用！
（左至右）
innisfree Jeju cherry blossom jelly cream $180 / 50ml
輕盈彈潤的啫喱質感，含天然甜菜鹼、濟州王櫻葉子萃取等成分，有助築起預防缺水的鎖濕保護網，為肌膚注入水分。
innisfree Jeju cherry blossom tone-up cream $200 / 50ml
含濟州王櫻萃取，更帶有輕盈質感的粉嫩色調，透出自然粉嫩的膚色。
innisfree Jeju cherry blossom lotion $130 / 100ml
柔滑水潤的質感瞬即被肌膚吸收，有效改善肌底乾燥，提升膚質，令肌膚柔軟水潤。
innisfree Jeju cherry blossom skin $145 / 200ml
專為暗啞肌膚而設，為肌膚注入水分及活力，綻放紅粉氣息。可以化妝棉抹擦全面或是層疊式使用，令肌膚如盛放櫻花般水潤透亮。
innisfree_銅鑼灣恩平道52號地下A舖_3428 5640