不少香港人當日本是「鄉下」，一年「返」幾次已算小兒科，當你去慣去熟識得捐窿捐罅食買玩，仲可以做咩表達對日本嘅愛？向來鍾情日本文化的香港女生Teresa，愛日本愛到自己出清酒！將自己個名Teresa與sake（清酒）結合，成為香港清酒品牌Teresake﹗ Teresake推出的清酒特別在擺明車馬為女生而設，從包裝到味道都貼近女生個性。重點是釀酒過程100%日本製造，由日本職人採用優質的愛山米釀造，難怪去年推出首枝女生清酒「Honey」已備受矚目﹗近日新登場的「Baby」口感更為豐富，奪目的包裝加上限量1,000的珍罕背景，送禮或自酌皆宜﹗
「Baby」限量版純米吟釀 $350 / 300ml, $600 / 720ml
日本製造 限量一千
可能你會話：「市面上有咁多清酒，呢枝又有咩咁特別？」咁講你就錯喇﹗雖然Teresake是香港品牌，但釀酒過程絕對100%日本製造，品牌採用被稱為「幻之酒米」且栽種難度系數高的愛山米釀造，並由日本職人負責整個過程。正正因為愛山米難求，「Baby」的供應亦非常有限，全球限量發售一千枝，而且每枝都有專屬生產編號。
天空藍調 冧女造型
「Baby」以藍色為主色調，從玻璃樽酒瓶到紙盒包裝都充滿少女感，飲完仲可以用黎做裝飾品。至於味道方面，打開樽蓋傳來淡淡甜味，入口化為絲絲微酸味，味道不太濃烈。對於筆者呢種唔太識飲酒的人而言，「Baby」唔會太嗆，確實十分易容易入口，適合初次嚐試清酒又或是本身唔太經飲酒的女仔，不過就未必適合喜歡烈酒的朋友。每枝酒還會附送特別訂製的「酒枡」，Teresake把花朵圖案印在「枡」上，令傳統的「酒枡」變得更別緻可愛。
「Baby」是Teresake推出的第二枝清酒，品牌於去年七月推出同樣為女生而設的「Honey」，以閨密作為靈感，希望創造出適合女生們相聚時小酌一杯的清酒。