經歷五個月多月社會運動的洗禮，相信各位好𢯊女子就算人唔累，心都累。無論幾攰都好，提提大家，即使已經告別炎夏毒辣嘅陽光，都唔代表可以乜都唔搽，防曬功夫依然要做足！可能因為香港實在太潮濕，所以好多人 覺得搽防曬產品好「焗」，想輕身上陣兼做到全方位修飾遮遐，防曬粉底就係最佳選擇！
不過防曬粉底的防曬能力通常比較低，皆因要兼顧多種功能，例如修飾毛孔、遮遐、撫平細紋等等，加上可塑造不同妝感。若要一枝集以上效果加上極高防曬系數於一身的產品，一係就質地好厚，焗到皮膚唞唔到氣，一係就係價錢好貴。好彩近年新出嘅防曬粉底唔止防曬系數增加，亦添加咗不少新功能，例如阻擋空氣污染物，為肌膚提供多重保障，輕鬆防曬話咁易﹗
粉底液 vs 粉餅 vs 粉底棒
現時市面上大多有防曬系數的粉底都以液體居多，皆因可以輕易融合到肌膚中，達到最佳的防曬效果。不過愈來愈多品牌推出粉底液以外的底妝產品，當然各有各好處，揀之前最好了解清楚自己的膚質及需要！
（From Left to Right）
粉底液 – 優點一籮籮
粉底液應該係大家最熟悉的底妝產品，因為優點一籮籮！質地輕薄、遮瑕力強、持妝性高、延展性高，而且妝效質感同顏色選擇係所有底妝產品當中最多選擇，難怪多年來深受女士愛戴。基本上粉底液適合所有肌膚類型使用，但要注意由於質地關係，粉底液比較容易脫妝，所以混合型或油性肌膚，一定要喺上妝後用碎粉或粉餅定妝，才能令底妝更持久。
ESTEE LAUDER Futurist Aqua Brilliance Makeup SPF15/PA++ $450 / 30ml / a
專為亞洲人肌膚研發的星級水凝粉底,集深層保濕及提亮膚色兩大功效。粉底蘊含具抗旱功能的水凝復生植物精華,輕輕一抺,遮蓋一切瑕疵,隱沒毛孔,均勻膚色。(共7色)
Koh Gen Do Aqua Foundation SPF25++ $410/ 30ml / b
配合江原道獨有的「Gloss Film Powder透光膜粉末」 ，長時間遮瑕，高度貼服。配以雙重撥水塗層及持光吸油粉末，防止因汗水而成的脫妝。蘊含法國布列塔尼海鹽水等美肌抗老成分，呵護乾燥脆弱肌膚。 (共7色)
BOBBI BROWN Skin Long-wear Weightless Foundation SPF15 30ml $400 / 30ml / c
運用高速冷凍技術令粉底質感柔滑，締造透氣無重的啞緻妝容。經特別處理的色素粒子與潤膚啫喱混合，有效遮蓋瑕疵及改善膚色。含天然護膚成分如甘蔗和天然礦物粉末，保持肌膚水油平衡。(共14色)
VDL專業無瑕持妝粉底液SPF35+ PA++HK $250 / 30ml / d
當中的Air Pore Powder能柔和地融合肌膚，多次疊塗亦不易結塊；升級的Pro-fit Cover Complex能柔焦肌膚的瑕疵，粉底中的Lumilayer Pigment™ 能控制光的飽和度，讓妝容長效持久水潤。(共6色)
3INA The 3in1 Foundation SPF15++ $220 /30ml / e
含維生素C及水果萃取物，具抗氧化及保濕功效。用手指輕拍就能將輕盈液狀質地的粉底液與肌膚貼合，輕鬆塑造零瑕疵美肌。(共27色)
M·A·C Studio Fix Fluid SPF15/PA++Skin Balancing Complex $360 / 30ml / f
輕柔貼膚質地，輕塗一層即達致高度遮瑕，有效撫平細紋及毛孔。 獨有Skin Balancing Complex 抗油抗汗配方，長效鎖水同時調節油脂。(共24色)
（From Left to Right）
粉餅 – 新手或補妝
相信絕大部分女生擁有嘅第一樣底妝產品非粉餅莫屬，原因係易上手兼易控制份量，上色均勻，零經驗的新手都唔怕用到一撻撻。然而除此之外，粉餅其實只適合兩類人使用：膚質極佳者同油性肌膚。由於粉餅妝感大多偏霧面，遮遐度亦不是太高，所以若當日皮膚狀況不太好的話，粉質會容易卡喺毛孔、暗瘡上面，令臉上瑕疵無所遁形。另外粉質產品大多都有極佳控油功效，若然肌膚底層水分不夠，再使用粉餅上妝的話，很易出現脫妝或浮粉情況。所以粉餅比較適合補妝時使用，能夠快速定妝和控油。
ETVOS Mineral UV Veil SPF45 PA+++ $310 / 5g / g
以5種新型神經醯胺為主的美容保濕成分, 讓肌膚呈現水潤透明感。此外, 更添加了具消炎鎮靜的成分，能安撫曬後灼熱地肌膚。天然低刺激配方, 即使輕微曬傷也可安心使用。
La Prairie Skin Caviar Powder Foundation SPF 15 UVA/PA++ $1,810 / 9g / h
糅合多種高科技色素粒子，SPF 15/PA++ 保護肌膚免受紫外線UVA和UVB的傷害；獨家專利活細胞複合物則為肌膚注入滋養。(共8色)
（From Left to Right）
粉底棒 – 上妝速度快
一提到粉底棒，大家可能覺得係厚妝嘅代名詞。以前或者係，而家就唔係咁嘅講法。不少粉底棒經過改良後質地相對較薄，一般日常妝容都適合使用。而其最大優點就係上妝速度快，只要喺額頭、雙頰、鼻子以及下巴平均畫上幾劃，再用手或海綿輕輕推開便完成妝容。而且遮瑕力係三者中最強，完全係快靚正。值得留意係，粉底棒質地較乾，若果乾性肌膚女生使用的話，臉部肌膚容易起皮屑，都係留返俾混合型或油性肌膚用啦﹗
bareMinerals Complexion Rescue Hydrating Foundation Stick SPF 25 $300 / 10g / i
加入火山泉水、紅海藻及角鯊烷三重補水及鎖水成分，一筆塑造無瑕水感妝容，時刻擁有水潤美肌，臨床證實使用後肌膚含水量瞬間飆升 118%。
REVLON ColorStay 持久輕盈霧感粉底棒 SPF27 $138 /10g / j
上妝時更省時方便，輕易旋轉扭出粉底棒就能馬上補妝。重點疊搽更能加強遮瑕效果，即使外出補妝重複疊擦，也不覺妝感厚重。
上妝 / 補妝的禮儀
當大家掌握晒三種粉底的分別後，係時候學下令妝感變輕透的秘技了。要克服底妝厚重感，首要注意係上妝時唔好用推，而係用點的的方式。此做法能令粉底比較貼膚均勻：先在兩頰較乾位置上妝，粉底用量可以用多一點；之後再上T字位，用量可以較少，因為此位置較易出油。及後再喺需要遮瑕地方輕輕增加幾層粉底，輕透妝容話咁易完成。
無可否認，防曬粉底防曬系數確實比較低，防曬效果無可能維持一整日，呢個時候就一定要靠補妝去持續防曬效果。如何喺補妝後仍能維持妝容輕透？首先用紙巾輕印全面（尤其係T字位），然後距離臉部二十公分噴幾下定妝噴霧，再用具防曬效果粉餅輕掃全臉幾下。簡單幾步就令妝容兼防曬效果變回come back，如果咁都要偷懶，以後就唔好問點解人哋皮膚咁好﹗
a / ESTEE LAUDER_尖沙咀港城海運大廈2樓 2730 9193
b / Koh Gen Do_銅鑼灣時代廣場4樓Facesss專櫃 5300 8517
c / BOBBI BROWN_尖沙咀海港城海運大廈Facesss專櫃 2110 9387
d / VDL_旺角朗豪坊2樓BEAUTY AVENUE 3903 8937
e / 3INA_旺角彌敦道700號T.O.P地下G18號舖 3426 9804
f / M·A·C_旺角朗豪坊2樓BEAUTY AVENUE 3903 8826
g / ETVOS_銅鑼灣時代廣場4樓 Facesss 專櫃 5300 8517
h / La Prairie_九龍站柯士甸道西一號圓方2115號舖 2265 7371
i / bareMinerals＿尖沙咀海運大廈Facesss 2995 3065
j / REVLON_美孚新村萬事達廣場七期地下N58, N65-68號舖 3169 3333