這幾個月以來，香港人身心俱疲。相信大家甚少在假日好好休息，有時即使身在外地但心仍留在香港。俗話有話「休息是為了走更遠的路」，是的，一條橡筋拉得太過繃緊都會斷，人總要在適當的時候給予自己喘息空間！最近走訪了三個關本土文化事嘅展覽，既然無時無刻心繫香港，不如停一停，慢慢欣賞一下，不但可令身心靈放輕鬆，休息的同時又可以增加對香港本土文化的認識，唔係話珍惜這個家就真係珍惜，最緊要有心。
窄巷的浪漫
深水埗「街招日常」展覽 －巷仔街招展
行博物館、畫廊睇展覽就試得多，喺後巷睇展覽你又試過未？位於深水埗的生活雜貨選物店foreforehead將於明天（2019年11月23日）起，‘為大家帶來全新的展覽體驗！《深水埗「街招日常」》是foreforehead本年度最後一個大型展覽，請來十一位本地設計師及藝術家 （包括字體設計師Calvin Kwok、設計師事務所Count to Ten Studio、紋身師兼結他手Lester Lee、時裝設計師Kei Hui、平面設計師Jonathan Mak、字體設計師Adonian Chan、街頭藝術家Katol Lo、平面設計師Keith Chun、本地插畫師Albee Yau、旅舍主理人Pat Choi及以年輕藝術家Nick Ma），與深水埗的本地店舖或單位作配對，設計出全新的「街招」，除了foreforehead的閣樓藝術空間，藝術家的作品主要張貼於後巷之中，咁嘅睇展體驗確實夠本土！‵
建議先到foreforehead的閣樓藝術空間拎一份由店主Daisy精心製作嘅「當代深水埗指南」，再到樓下後巷睇展。攤開睇睇，點止展覽導讀咁簡單，拎住佢會發現深水埗其實好精采﹗
喺後巷擺展覽，絕對是顛覆了俗世對於後巷的看法，這條黃竹街的窄巷沒有臭味、沒有積水，沒有老鼠……牆上遺留著一幅又一幅的塗鴉，與色彩繽粉的「街招」展品相映成趣。不論你是樓上的住戶、想去廁所的途人、抑或是未入過後巷的女仔，都可以參與這個十分貼地的展覽。
平面設計師Keith Chun為泰國菜館「歌星光頭佬泰菜設計的街招，嘟一嘟QR code會有驚喜發現。（左）
本地插畫師Albee Yau為深水埗知名小食店「添福小食」創作的街招，以其招牌菜慢煮牛肉芝士漢堡為設計主軸。（右）
平面設計師Jonathan Mak為在鴨寮街開檔超過20年的「華發強力磁石」設計的街招，螢光色調配合有趣構圖，非常奪目。（左）
奪目的紅白配街招，是字體設計師Calvin Kwok為「何忠記白鐵」設計的作品。（右）
深水埗「街招日常」展覽 / 巷仔街招展
地址：深水埗基隆街132B閣樓foreforehead及黃竹街2號後巷
日期：2019年11月23日至12月8日
查詢︰https://www.facebook.com/foreforehead/
YELLOW OBJECTS
18位匿名藝術家集結
YELLOW OBJECTS是什麼？明嘅自然會明。
受到近日社會事件啟發，聚集了十八位匿名設計師，以「YELLOW OBJECTS」為主題，以及黃黑為主色調，設計出十八款不同的海報，宣示他們對當下社會的看法與態度。大家在欣賞作品的同時，不妨細味一下海報背後的深層意思，「感於哀樂，緣事而發」正正是藝術作品或是圖像應該做到的。
展覽場地雖然不大，但柔和的燈光配合恰到好處的空間感，令人可以靜下來細看展覽作品以及好好思考一下。
主辦單位特別將每款海報各印製了五百份，還觀眾可隨心拎走心水設計。
此展覽最特別之處是可以隨心拎走你喜歡的展品（海報），每款海報均印製了五百份，款款都咁靚真係想拎晒！
【 YELLOW OBJECTS 】展覽
地址：九龍深水埗大南街198號
日期：2019年11月21日至12月1日（逢星期一休息）
查詢︰https://www.facebook.com/events/425335758361479/
法國人眼中的香港色彩
CITY POETRY by Romain Jacquet-Lagrèze
對於香港人而言，街道上掛著五光十色的霓虹光管是普通不過的景物，不過，對於外國人而言，這些燈飾都充滿香港特色，令人著迷，因為是在外國甚少能看到的繽紛色彩。來自法國的攝影師Romain Jacquet-Lagrèze隨妻子移居香港多年，熱愛走訪香港大街小巷的他最鍾情於尋找霓虹光管的踪跡，如到深水埗、旺角，或屯門、上水等偏遠地方。
Romain Jacquet-Lagrèze通過用鏡頭捕獲每個單字,並學會了欣賞繁體中文字詞的美,隨著中文單字快照影像累積,便成了一系列的 city poetry 城市詩意。今年他將照片打印到瓷磚上,每塊瓷磚就是一個漢字╴還大家可隨心拼湊創作出自選詞句,撰寫屬於自己的一詩一句。
攝影師 Romain Jacquet-Lagrèze（左）
在眾多個中文字當中，Romain Jacquet-Lagrèze說最喜歡「家」字，因為香港是他的家（右）
除了city poetry中的作品，現場亦有展示Romain Jacquet-Lagrèze以往在香港拍攝的作品，如大廈一角等等。由即日起，Kapok挑選了幾款瓷磚藝術品於灣仔O.N.S旗艦店及Kapok K11 Musea旗艦店發售。購物之餘，又可以欣賞藝術品！
CITY POETRY by Romain Jacquet-Lagrèze
地點︰O.N.S _港灣仔日街 3 號
日期︰即日起開始