分享是美德，但對於零食，零食黑洞絕對係一個自私鬼，自己都唔夠食嗰陣就梗係不願分享﹗（笑）
試過放工滿心歡喜跑返屋企，準備食嗰包期待已久的薯片，點知一個唔該就被家人私吞，嗰種失落嘅心情真係難以形容！不過一家人始終無得計較咁多，所以我間唔中都會買家庭裝零食同屋企人分享，家庭裝零食嘅份量比較多、而且性價比往往較高、有一種食極都未見底嘅錯覺！無論係一家三小口，抑或是五人以上的大家庭，喺呢段無乜事都唔好出街嘅非常時期，最好就係一家人齊齊整整，開心share家庭裝零食﹗以下係零食黑洞私心推介的家庭 / 大包裝零食，係時候買定以備不時之需啦！
香脆小米餅止口痕
亀田製菓米餅系列一直深得我心，這款 Super BIG ! 家庭裝米餅口感相比由細食到大的旺旺仙貝硬一點，而且米餅上的味粉亦無咁重手，食落反而有陣陣米餅香，偏愛重口味人士可能未必太喜歡，不過對於我嚟講味道就剛剛好！最大賣點是細心的 Happy Turn密實拉鏈設計，每塊米餅用了像糖果般的透明包裝，一扭一開就即刻食得，唔似得旺旺仙貝要撕來撕去，省卻不少麻煩，放在客廳分享，屋企人見到都會拎幾包止口痕！
亀田製菓Happy Turn 超BIG米餅 80塊 (324g) $59.8 /a
食唔停口朱古力威化
超大盒包裝，睇落似原條朱古力，打開包裝賣相似雪條，朱古力面鋪滿杏仁碎，咬落原來是威化夾心，並不是威化餅，而是好鬆脆的空氣感威化！今次邀請埋家姐一齊試食，得到的評語係「好似小學時代喺雜貨舖買好平嘅朱古力威化放大版！」雖然得到這怪評語，並不代表它難吃！面層的朱古力比我相像中厚實，是有驚喜，每啖都充滿著童年回憶，而且超巨型的尺寸，一條可以慢慢嘆，加上帶點懷舊的包裝，感覺有如咬緊昭和零食咁復古。
Furuta威化朱古力 10條裝 (300g) $59.8 /a
小新最愛嘅朱古力小熊餅乾
假如閣下有睇過《蠟筆小新》，相信對當中主角小新成日食嘅小熊餅乾唔陌生，見住小新將小熊餅乾逐粒拋落口嘅滿足表情，令觀眾都好想一試究竟有幾好食！其實小熊餅乾已經推出咗一段時間，重點小熊餅乾並不是熊仔外形，而是星星形狀的朱古力脆脆。這個200% すごろくチョコビ 加大版本外形不變，內含兩袋裝，不用一次過食晒，又可以同身邊家人分享。每粒朱古力脆脆均沾滿朱古力醬，大顆的口感更佳，脆脆也是空氣感的威化，簡單來說就是吃了一陣風的感覺，然後傳來陣陣香濃又甜蜜的朱古力味。
蠟筆小新小熊餅乾 2包入 (84g) $39.9 /b
戒指薯圈食得又玩得
喺街食薯圈最怕食到成手都係味粉，所以筆者向來鍾意留返喺屋企慢慢享受，每次手指套一粒薯圈再慢慢嘆，食完又可以啜返手指上面嘅味粉精華，點啜都唔會俾人歧視！Tohato 手指薯圈系列主要是偏清淡的味道，這包沖縄縣産の塩味道，淡淡海鹽香令薯仔味更突出，食唔停口又唔太重口味，質感酥脆，放大 1.5 倍的 BIG 大包裝更可以套曬落隻手指度當戒指，玩得嘅零食加分。
桃哈多 1.5 倍大鹽味手指薯圈 (126g) $16.9 /c
大大粒明治朱古力巨豆
作為明治零食系列的常客，講到家家戶戶必備零食，明治朱古力豆一定榜上有名，加大版朱古力包裝拎上手十分過癮，唔止包裝加大，連朱古力都係原粒加大，比圍棋更大粒，七彩顏色糖衣同步增厚，口感升級！內分為八小袋，每袋八大粒，如果是大家庭的話，可同時分享給所有屋企人開心分享，小朋友食落都特別開心！
明治大理石朱古力 8袋入(200g) $99.8 /a
好適合派街坊嘅白菜太郎
日本食品公司 やおきん 這款キャベツ 太郎粟米脆波，雖然被稱為「白菜太郎」，可是其實一點白菜味也沒有，官方曾解釋指白菜既可直接食用，也可作湯料、油炸或醃製，亦是日本醬油伴碟的主角（如炸豬排旁邊的白菜絲），「白菜太郎」的名字是反映這個時代的飲食習慣來命名，也讓大家買 / 吃的時候有種想像空間。打開是撲鼻而來的醬油香味，粟米脆波咬落鬆脆，加上合理的價格，還有超～級巨大的包裝，捧著回家真的很滿足！大包裝內有二十小包，適合在家休息時吃一小包，多到可以派街坊都唔肉赤，就是大包裝的優點。
キャベツ 太郎醬油粟米脆波 20包入 (280g ) $68.8 /a
食到唔停口嘅粟米芝士圈
芝士味屬於最不能抵抗之味道首位，由條裝自私食的うまい棒延伸出來的うまい輪系列，就是將粟米脆棒切成圈，變成芝士圈感覺份量大增，令味粉滲入圈圈上每個位置更入味。由於芝士味總是給人一種很膩的感覺，雖說是芝士火鍋味，可是芝士味比想像中輕盈，不會太膩，相比咬兩三口便KO的粟米脆棒，更樂於與屋企人分享這包芝士圈。
RISKAうまい輪 芝士味脆圈 (5g) $11.9 /d
唔需要花巧包裝﹗鹽味粟米洋蔥圈
Snackline鹽味粟米洋蔥圈沒有花巧的包裝，直截了當讓大家看到裡頭的零食，給人的第一印象永遠是最重要的，這包洋蔥圈也沒有例外，沾了洋蔥粉的粟米圈圈，質感偏軟身，並沒有想像中香脆，輕鹽味道食落不會太heavy，一包絕對不能自私食，同家人分享就最好，很適合安坐家中梳化邊食邊睇戲！
Snackline鹽味粟米洋蔥圈 (125g) $13.5 / c
可以同屋企人玩嘅超長軟糖
日本糖果龍頭UHA味覺糖早前推出火紅的「可以撕」さけるグミ新食感軟糖，最先面世的是短版一小片獨立包裝，賣點是可隨時隨地撕來吃，不論是其口感還是食用方法，創新的設計簡直震驚糖果界。曾經推出 40cm長的版本，後來推出更長的50cm長～撕撕軟糖，更拍攝了一系列超長軟糖的廣告，講述大家如何因為長軟糖而著迷，就算未食過，都可能對這系列廣告有印象。除了新食感，含乳酸菌的果汁感亦是很重要的元素，長條版本選了極具人氣的巨峰提子及青提子味，50cm的長度更可與家人挑戰一撕到尾，唔斷就為之勝出，有得食亦有得玩，相比一包只有七塊的獨立包裝，長條版本更抵食！
UHA味覺糖50cm長條軟糖巨峰提子 / 青提味 (41g) $12.8 each /a
家庭派對必備霸王
日本Calbee絕對可稱為薯片界的神，當中的炸薯條Jagabee 系列，利用原個薯仔連皮切條再炸，其粗幼度、口感同味道都很獨特，口感香脆但比想像中硬，有時會食到牙骹軟（笑），假如唔想食薯片但又口痕，Jagabee薯條絕對是另一選擇。派對鐵桶包裝引發人們無限的想像，內含紫菜味及蜂蜜牛油味兩款，牛油味可吃到汁原味的薯仔香，紫菜味道香濃，一條接一條食唔停口，最適合與家人分享！
宅卡B薯條混合裝鐵桶12包入(204g) $86.5 /d
a / 驚安の殿堂_荃灣海之戀商場 2001 – 2005及 2010-2017號舖 2456 2211
b / 好多多直銷中心_元朗阜財街日新大廈 5C 舖 2470 7238
c / 各大 759 阿信屋
d / 一田超級市場_元朗 YOHO Mall 一期1013-1015及1018-1020 號舖 3705 5600