炎炎夏日，最爽嘅護膚程序莫過於敷面膜！將涼浸浸嘅paper mask撻落面嗰吓，就好似將一整日嘅疲勞同壓力一掃而空咁，特別係敷面膜嗰陣不宜太大動作，所以比較適合煲劇睇電視、睇書揭雜誌、甚至聽吓歌修吓甲等等，總之就邊hea邊護膚，好多女生都將敷面膜當作me time嘅享受。
其實敷mask嘅好處又點止護膚咁簡單，自從日本品牌一心堂本舖於2013年發明的臉譜面膜叫好又叫座，無論男女老幼都爭住寓敷mask於扮鬼扮馬，難怪愈來愈多品牌發揮創意，設計出將不同角色擺上面的搞笑面膜，為敷mask加入娛人娛己的治癒功能。香港人經常處於充滿壓力的環境下，近日社會動盪更加令人愁眉不展。既然市面上嘅變臉面膜愈出愈精采，呢個時候，不如揀一塊變臉面膜放上面，邊護膚邊𠱁吓自己、又𠱁吓身邊人開心﹗照鏡望到自己個搞笑樣，好難忍到手唔自拍同情人或朋友開心share！
自從電影《復仇者聯盟4：終局之戰》上映之後，大家都好想同Iron man 講聲「我愛你 3000」，既然咁掛住佢，不如試下Iron man上身。
搞笑面膜元祖！一心堂本舖．變身人氣動漫角色
今回介紹的搞笑面膜主要來自日本及韓國，首先要推介嘅當然係成功將變臉面膜發揚光大嘅一心堂本舖（isshin-do）。一心堂本舖是從日本江戶時期便開始經營的老字號店，以往只經營傳統食品，直至2013年，以象徵日本傳統文化的歌舞伎為題材創作出「隈取面膜」，「隈取」是指演員的臉譜化妝方式，用家能一邊美容一邊過當歌舞伎演員的癮，由於開賣後大獲好評，歌舞伎面膜更被選為2016年舉辦的伊勢志摩峰會官方紀念品。
自臉譜面膜成功創造熱潮，一心堂本舖不斷推出以人氣角色為主題的面膜，如小丸子、多啦A夢，海賊王等、甚至將Marvel經典角色化成面膜，就連近日因電影版上映而人氣急升嘅哥斯拉都有份，相信總有一款啱你心水！OK﹗唔好齋睇外表，講返質素，據說面膜蘊含透明質酸、膠原蛋白、維生素 C誘導體，以及三種日本產植物成分如山茶花種子精華。精華容量唔算好多，唔怕滴到一地都係，值得一讚面膜質地偏厚且非常貼面。一心堂本舖在香港並沒有專門店，這幾年來，都是偶爾在水貨店或格仔舖見到其蹤跡。由於一心堂本舖的網店只限寄送往日本當地，不防趁去日本旅行時到各大直營店或販賣店如Loft、Kiddy Land或Tokyu Hands等大肆入手。
好多人話小丸子汗顏嘅表情好過瘾，唔知喺你面上出現又會點？
除了人氣動漫角色如進擊の巨人（左上）或多啦A夢（左下）等，筆者最想試試梵高造型面膜（右），cosplay藝術家都無難道！
（左至右）
Isshin-do Marvel Avengers Face Pack set日圓¥900（約港幣$65) ／22ml x 2 pcs /a
Isshin-do Godzilla Face Pack 日圓 ¥430 （約港幣$31) / 22ml /a
Isshin-do Minion Face Pack 日圓 ¥430 （約港幣$31) / 22ml /a
Isshin-do Maruko Face Pack 日圓 ¥430（約港幣$31) / 22ml /a
寵物小精靈狂熱！Lovisia．新出局部面膜
雖然寵物小精靈已經hit咗好多年，但你睇手機遊戲Pokémon GO!到今時今日都未out，加上前排話題電影《POKÉMON 神探Pikachu》推波助瀾，Pokémon熱潮有排未停﹗繼日本產品開發公司monosense於2017年推出寵物小精靈面膜後，去年美妝品牌Lovisia亦推出以比卡超、卡比獸及伊貝等人氣角色做主角的面膜及彩妝系列，今年4月更首次推出Point pack局部面膜，一包集合多個角色，細細粒嘅面膜可以敷喺面部、膝頭、或手肘腳肘等特別乾燥的部位，內含膠原蛋白，透明質酸和乳木果油等滋潤保濕成分，更加入自然肥皂香氣。之不過因為設計取材自卡通人物本身的面形，亦保留了比卡超、伊貝等招牌長耳朵，因此整塊面膜剪裁較闊大，想面膜貼面且貼近面形，要花點時間調整啦﹗
比卡超係好cute，但唔係個個頂得順變「黃面婆」（上），可以試下新上市嘅Pokémon局部面膜（下），好似貼咗貼紙咁cute﹗
（左至右，上至下）
Lovisia Pokémon Point Pack日圓 ¥500（約港幣$36) / 20ml /b
Lovisia Pokémon Snorlax Face Pack日圓 ¥430（約港幣$31) / 20ml /b
Lovisia Pokémon Pikachu Face Pack日圓 ¥430（約港幣$31) / 20ml /c
Lovisia Pokémon Eevee Face Pack日圓 ¥430（約港幣$31) / 20ml /c
Lovisia Pokémon Jigglypuff Face Pack日圓 ¥430（約港幣$31) / 20ml /b
佛系保養！Yamato Cosmetic．大米發酵液護膚
今時今日，好多人將「佛系精神」掛在嘴邊，就算係扮靚保養﹐都希望以「佛系精神」為本，即係最好輕鬆慳力就成事﹗有理由相信日本人都幾鍾情佛祖，唔止《聖哥傳》動畫、電影身靠惡搞耶穌及佛祖成為人氣熱話，日本護膚品牌 Yamato Cosmetic亦推出以奈良大佛為設計理念的佛像面膜。設計造型以青銅佛像為原形，敷上面後照鏡卻有莫名的喜感。面膜當中加入了柿葉、蓮藕以及柚子精華，再加上日本清酒中的大米發酵液，天然成分保濕力強。大家不妨邊敷面膜邊打坐，以「佛系精神」保養肌膚，令心靈及肌膚同時得到修護！
面膜上個佛樣真係好有喜感，男女皆宜。雖然喺香港暫未有售，不過網購幫到你﹗
Yamato Cosmetic face mask $36 / 25ml /d
有樣有實際！Pure Smile．爆多精華香噴噴之選
日本美妝品牌Pure Smile憑藉人氣高企的江戶歌舞伎臉譜面膜而聞名，同樣以日本傳統文化為主題的日本藝術臉譜面膜及桃太郎面膜套裝均是熱賣之選。前兩者均配有淡淡的抹茶香味，後者則是桃子香味，唔止賣相好睇，仲好好聞！Pure Smile出品的面膜添加了熊果素美白成分及玻尿酸潤澤成分，一整塊面膜注滿27ml爆多保濕精華，滿滿的精華真係擦埋手、頸都仲有剩！除了上述傳統招福款式外，Pure Smile的動物保濕面膜也是不可錯過的好選擇，不論是貓或是狗造型面膜，據稱當中的牛奶蛋白提取物均能撫平粗糙肌膚，敷完皮膚又滑又滋潤，心情點會唔變好！
一盒江戶歌舞伎臉譜面膜包括4款造型，各有特色，同好姊妹開心share都得﹗
各位貓奴可以試吓敷住呢塊貓樣mask同你「主人」談吓心，話唔定感情大增﹗
（左至右，上至下）
Pure Smile 桃たろうあーとますく $78 / 27ml x 4 pcs /c
Pure Smile 招福にっぽんアートマスク お得なセット $59 / 27ml x 4 pcs /f
Pure Smileお江戸アートマスク$59 / 27ml x 4 pcs /f
Pure Smile 「Will You Be A Cat」ART MASK $22 / 27ml / c
Pure Smile 「Will You Be A Dog」ART MASK $22 / 27ml / c
對功能入座！SNP · 抵玩動物面膜
韓國美容護膚品牌SNP推出的動物及神龍造型面膜早已風靡美妝界，不少女生抵擋唔到可愛嘅動物造型敷住面膜自拍。好多人buy佢嘅原因唔止因為趕潮流，重點係每款面膜均針對不同肌膚問題，如熊貓面膜針對美白亮肌、神龍面膜針對敏感紓緩、海獺面膜針對保濕水潤，而老虎面膜則有效抗皺緊緻。有趣的造型加上蘊含豐富的椰子水、月見草油、煙醯胺及黄芩萃取等美肌成分，內外在美兼備。值得一提， SNP面膜的價格相宜，而且含豐富的精華量，大手購入都唔會肉赤！
如果嫌自己個樣唔夠霸氣，試吓披上SNP老虎面膜，據稱有效抗皺緊緻。
（左至右）
SNP ANIMAL PANDA WHITENING MASK $8/25ml, ＄75/25ml x 10pcs / e
SNP ANIMAL DRAGON SOOTHING MASK $8/25ml, ＄75/25ml x 10pcs /e
SNP ANIMAL OTTER AQUA MASK $8/25ml, ＄75/25ml x 10pcs / e
SNP ANIMAL TIGER WRINKLE MASK $8/25ml, ＄75/25ml x 10pcs / e
擺諧星上面﹗Yoshimoto · 搞笑藝人出搞笑面膜
吉本興業株式会社（Yoshimoto Kogyo Co., Ltd.）是出產不少搞笑藝人的日本經紀公司，此款面膜的造型便是參考日本搞笑藝人組合「羅伯特」中的諧星秋山竜次，他於2017年獲得GQ年度最佳男喜劇演員獎，而面膜則是模仿他於「小學生印刷俱樂部」的搞怪造型，諧星嘅趣怪表情真係想學都有難度，家陣唔需要演技，只需撻塊面膜上面就做到七情上面﹗咪以為得個樣，面膜蘊含木炭混合物，能保充肌膚水分，且有淡淡的木香。
如果你有偶像包袱，可能會無膽披呢塊面膜上面……
小学生版画クラブ フェイスマスク 日圓 ¥350（約港幣 $26) / 27ml / g
搞笑藝人組合ロバート（羅伯特）
a／一心堂本舖_日本東京晴空塔Solamachi 4樓東院10號 +81 3-6658-8400
b / Donki_日本東京市中央區銀座8丁目10號104-0061 +81 3-6215-9688
c / Donki online shop_ https://mpglobal.donki.com
d/ SOAPMAX_https://item.rakuten.co.jp/soapmax/20007911/
e / Sasa_銅鑼灣禮頓道禮頓中心地下及2樓 2555 0806
f / HKTV mall_https://www.hktvmall.com/
g / VILLAGE VANGUARD ＿東京都新宿区新宿3-38-1 LUMINE est 5F +81 3-6457-8341