唔知有幾多人係因為演員蘇麗珊 (Cecilia So) 而認識「靜 shh massage & spa」，筆者卻是先從網上發現此收費與裝潢不符的按摩店（靚裝修配親民價），預約按摩後才知道Cecilia是合伙人之一。以用家身份親身試過後，更加想知道，點解會咁抵？
Cecilia與拍檔Kenny及Veronica話︰「疫情係有影響，但呢個時候大家更需要一個地方去relax﹗」、「香港人需要一間高質素但價錢貼地嘅按摩店﹗」，Cecilia仲話想請張家輝嚟嘆吓……
「shh……靜啲﹗」幫緊你幫緊你，細閱本文就會明白點解佢哋會無啦啦夾份開一間明益街坊嘅按摩店。
香港人壓力大，呢段時間更加需要洗滌心靈
做人唔應該以貌取人，但外貌畢竟予人第一印象，當我在網上看到「靜 shh massage & spa」的相片，心諗「呢間舖裝修得咁靚，咁嘅格局肯定好貴啦﹗」下一秒望望參考價格，十分鐘起的頭肩頸按摩只是一百有找 ($68 / 10mins 另加服務費），而我選擇的全身推油按摩（$268 / 50mins 另加服務費），也是一般按摩店的價錢，係咪真㗎？
原來身為主理人之一的Veronica一直很想開一間價錢唔貴但高質素的按摩店，偶爾與從事設計的Kenny提起，大家都認同有得做，Kenny再與女友Cecilia談及此計劃，三人一拍即合，做嘢﹗Cecilia︰「當我知道佢哋有呢個idea，我覺得好好﹗可能因為自己鍾意做瑜伽，同埋好投入去meditation （冥想），總之都係洗滌心靈。而家演戲都係，多咗聆聽自己身體，我覺得香港人壓力好大，特別係呢段時間氣氛唔係好好。難得有好嘅合作伙伴令我好想加入。我以前去親旅行都會搵吓當地有咩出名嘅massage店，雖然暫時無得去旅行，但係嚟到呢度，見到店前呢棵大樹，踏上呢條石春路，即刻覺得好似同外界隔開咁，有種去渡假嘅感覺。」
Cecilia與拍檔Kenny及Veronica常聚在一起討論新店事宜，三人異口同聲說︰「一望呢個地方就知道係呢度喇﹗」Cecilia更說初次見到店前的大樹，望望陽光再看看樹影，霎時感動。
門外的石春小路是shh的標記之一，原來連同店內外的植物擺設及花藝創作，均是由Kenny好友、歌唱組合天堂鳥成員歐喬鋒（Tyrese）負責。Kenny︰「植物擺設都係一種學問，店內外放咗好多植物，但我哋唔會放假植物，希望客人覺得好舒服自然。」
為了讓顧客感受到休閒得來亦充滿正能量的氛圍，店舖設計簡約、用色柔和，而且在不同房間及洗手間的牆上綴以令人放鬆的Quotes。
環境靚服務好一定要收得貴？呢個觀念係錯嘅﹗
很多人認為社會運動及疫情令經濟不景，最好按兵不動謹慎投資，然而正所謂有危就有機，難怪Veronica強調︰「疫情期間多咗舖位選擇，慶幸最後搵到呢間舖，我哋三個都係第一眼已經鍾意呢度﹗以前有得飛，大家去台灣、峇里、泰國等地都一定會做按摩，喺香港反而好似唔係太多地方可以舒服按摩但價錢又ok，我唔係要做一間好luxury嘅店，再者宜家呢個環境大家都未必afford到，大家壓力都好大，如果價錢係好大concern客人就放鬆唔到。」
生意就係生意，點都要賺到錢呢盤生意先有得做落去，邊有人會想做蝕本生意？筆者眼前幾位都係生意人，值得欣賞嘅係佢哋會將心比己從顧客角度出發，起碼唔係一味追求賺到盡。主要負責設計嘅Kenny話︰「Logo當中的『，』就係pause嘅意思，希望大家入到嚟已經有渡假嘅感覺，可以停一停叉叉電。設計方面大家都有俾意見，Veronica講到明大方向一定係要做到comfortable但唔需要好luxury。靚嘅設計可以賣貴幾多係某啲客嘅考量，講真，而家shh裝修到咁就算收貴多二、三十個percent大家都會覺得合理，但係Veronica唔係想咁樣，even我哋希望大家會覺得『咁平！』每個人都deserved去一個好地方，我哋唔認為好地方一定要收得貴，呢個觀念係錯嘅﹗香港人好需要高質素但貼地嘅地方，我哋都唔係大富大貴嘅人，大家應該公平，有機會享受好環境、好服務。」
作為真實用家，我認同呢個價錢係ok嘅，當然仲有啲細位可以改進，但係以呢個價位嚟講，滿意，最起碼我認同Kenny所講，好乾淨﹗Kenny︰「從男士角度睇，去按摩店首先要乾淨，我自己好驚污糟、好怕啲按摩店有種濕濕哋未乾嘅感覺，乾淨衛生好重要。」Cecilia︰「除咗乾淨之外，呢度啲員工都好親切，試業嗰陣師傅未必知道我有份，都會同我傾吓、好關心我，按摩時唔會撳電話，好放鬆，令我有喺屋企嘅感覺。」
希望請張家輝嚟放鬆一下
試業至今坊間反應良好，令三人更積極籌劃將來，雖然尚未想到會否開分店，暫時最希望是善用店外花園的空間。Cecilia︰「店外右邊原本係用來泊車，而家係樹蔭下嘅小花園。我同Alex （林德信）本身都friend，佢本身係瑜伽導師，Alex同其他做瑜伽嘅朋友嚟到都話呢度好啱開瑜伽班或搞workshop，大家可以舒舒服服好鬆動﹗」Veronica亦直言希望可以同不同品牌合作。
既然呢個地方咁美好，你最想邀請邊個人嚟？Cecilia︰「我好想邀請張家輝先生嚟，因為嗰陣一齊拍《催眠·裁決》，佢同我講過有失眠問題，有時會睇電視睇到好眼瞓先慢慢碌落床。呢個地方可能幫到佢，按摩時唔止放鬆肌肉，仲有心靈，正如剛才所講，當你迫住要放低電話個腦無得諗嘢，成個人都可以叉電﹗我怕醜，所以未邀請呢位前輩嚟，希望有呢個機會。哈哈﹗」Veronica︰「因為搞呢間舖比較忙，我咁大個女都無試過咁耐唔返屋企食飯，既然呢度可以提供咁舒服嘅空間，我最想叫媽咪嚟﹗」Kenny︰「我Daddy係建築師，因為疫情佢返唔到嚟香港，我同媽咪都好掛住佢，好想叫佢嚟睇吓個仔做咗啲咩，順便嘆吓！」無論是否面對疫情，都市人生活在壓力下，絕對需要找個空間讓自己放鬆，如果你未搵到，希望靜 shh massage & spa幫到你。
＊以上價格未包括服務費，以靜 shh massage & spa公佈作準。
靜 shh massage & spa＿九龍城嘉林邊道6A號 6233 3210
Facebook／shhmassageandspa
Instagram／shhmassage