Tone on tone呢個概念，可以話係金科玉律，放諸四海而皆準。好似襯衫咁，跟著同色系著衫，按道理應該都唔會點出事。不過好多人都忘記將此道理應用在妝容上，有些女生甚至因為不太講究顏色配對，令妝容車禍意外頻生。以百搭色系嚟講，大地色系一定走唔甩，fit晒亞洲人輪廓之餘又可以襯其他鮮豔嘅色調，絕對係唔使用腦之選。不過補品食得多都會厭，用得耐大地色都會覺悶。咁仲有乜好選擇？不妨考慮下nude pink（粉紅裸色）。憑限量版粉紅裸色Pillow Talk唇筆同唇膏揚名美妝界嘅Charlotte Tilbury，推出之時曾經出現搶購潮，誇張到有錢都未必買到。直至今年年頭改為常態版後，搶購熱潮先慢慢減退。品牌有見及此，立即加推同色系產品，分別係胭脂同眼影盤，實行一條龍tone on tone服務！

唇膏啞光質地，配合唇筆使用能夠提升整體妝容自然度。而香檳色調的胭脂偏向裸色，最啱打造自然妝效。 至於萬眾期待的四色眼影盤，有人可能會擔心粉紅色調顯眼腫，但此款眼影色調清淡，筆者親身試過，唔會出現上述問題。溫提一下，由於眼影顏色偏淡，建議用啡色眼線筆作搭配。整個Pillow Talk系列用晒，輕易化咗個自自然然嘅靚妝。

Charlotte Tilbury LIP CHEAT IN PILLOW TALK 各$190 /1.2g
粉紅裸色唇筆的配方令雙唇更水嫩立體，輕易勾畫出理想線條。

Charlotte Tilbury CHEEK TO CHIC IN PILLOW TALK $370 /8g
極致柔滑且活潑的粉嫩胭脂色調，為肌膚添上自然明亮光彩，輕易塑造紅粉緋緋妝容。

Charlotte Tilbury MATTE REVOLUTION IN PILLOW TALK 各 $270 / 3.5g
快速完成完美自然的嘴唇，獨特配方能令雙唇顯得更豐滿柔軟。

Charlotte Tilbury LUXURY PALETTE IN PILLOW TALK 各 $440 / 5.2g
集合四種清新粉紅色調的眼影盤，能任意塑造輪廓分明的眼妝。

（左至右）

Charlotte Tilbury_尖沙咀馬哥孛羅香港酒店商場 L2 201號舖 3101 4799

TEXT / IT · PHOTOGRAPHER / MARIE ANSON